هۆکاری ئاگرەکەی بۆڵوی تورکیا ئاشکرا دەکرێت

ئاڤا نیوز

ئاگری هۆتێلی گراند کارتاڵ لە ناوچەی کارتاڵکایەی شاری بۆڵوی تورکیا کە بووە هۆی گیانلەدەستدانی 78 کەس و برینداربوونی 50 کەسی دیکە، بەهۆی تێکەڵبوونی ئاو و ڕۆنەوە بووە لە چێشتخانەی هۆتێلەکەدا.

 

چیرۆکی سەرەکی: لەکاتی ئامادە کردنی نانی بەیانی لەلایەن چوار سەردانیکارەوە و ئاو و ڕۆنی گەرم تێکەڵ دەکەن و ئەمەش دەبێتە هۆی دروستبوونی ئاگر لە چێشتخانەی هۆتێلەکە و لەوێوە تەشەنەی سەندووە بۆ تەواوی باڵەخانەکە. 

 

زانیاریی زیاتر: هەر لە دەستپێکی ئاگرەکە تاوەکو ئێستا 19 کەس دەستگیرکراون و لێکۆڵینەوەش بەردەوامە. 

 

لەلایەکی دیکەوە: 11 کەس لەلایەن هەواڵگری تورکیاوە دەستگیرکراون بە تۆمەتی گاڵتەکردن بە خێزانی قوربانییان و دەزکردن بە زانیاریی و ناسنامەی ئەو کەسانەی لە ئاگرەکە گیانیان لەدەستداوە.

 

ئەوەی پێویستە بیزانیت: لە 21-1-2025 هۆتێلی گراند کارتاڵ ئاگری گرت و بەهۆیەوە 78 کەس گیانیان لەدەستدا و 50ی دیکەش برینداربوون.