ئومیت ئۆزداغ: ئۆجەلان لە ئیمرالی لە من ئاسوودەتر دەخەوێت

ئاڤا نیوز

 

ئۆمیت ئۆزداغ، سەرۆکی پارتی زەفەر کە پارتێکی ئۆپۆزسیۆنە، ماوەی هەفتەیەکە بە تۆمەتی بێڕێزیکردن بە ڕەجەب تەیب ئەردۆغان، سەرۆککۆماری تورکیا لە گرتووخانەی سیلڤیری لە مەرەميري دەستگیرکراوە.

 

بڵاوکراوەی فەرمی: ئۆزداغ لە نامەیەک کە لە ڕێگەی گوتەبێژی پارتەکەی ناردوویەتی دەڵێت: لە زیندان کاتێک پۆلیسەکان منیان خستە ژوورێکەوە کە تەنیا یەک پارچە تەختەی تێدایە کە پانییەکەی 30سانتیم و درێژییەکە دوو مەترە، بەپۆلیسەکانم گوت: ئێستا عەبدوڵڵا ئۆجەلان لە ئیمرالی لە من ئاسوودەتر دەخەوێت، ئینجا بەتانییەک و کورسییەکیان بۆ هێنام، بەتانیەکەم لەسەر کورسی تەختەکە دانا و خەوتم، من بەدیلی عەبدوڵڵا ئۆجەلان گیراوم. 

زانیاریی زیاتر: سەرۆکی پارتی زەفەر، ماوەی هەفتەیەکە بە تاوانی"بێریزیکردن بە ئەردۆغان و هاندانی خەڵک بۆ ڕق و نەفرەت" دەستگیرکراوە، ئۆزداغ دژی پرسی ئاشتەوایی کورد و ئازادکردنی عەبدوڵڵا ئۆجەلانە، لە لێداونێکیدا لەسەر ئەو پرسە گوتی:" باخچەلی و ئۆجەلان باش لەیەک تێدەگەن و یەک دەناسن ماوەیەکی تر دەچنە سەر شاخ و بەیەکەوە گوڵی پاپاتیا کۆدەکەنەوە."