قەتەر: ڕۆژی هەینی ئەربیل یەهود ئازاد دەکرێت

ئاڤا نیوز

وەزارەتی دەرەوەی قەتەر ڕایگەیاند، ڕێککەوتن لە نێوان ئیسرائیل و حەماس کراوە کە ڕۆژی هەینی داهاتوو ئەربیل یەهودی بارمتەی ئیسرائیلی ئازاد دەکرێت.

وێنەگەورەکە: گەڕانەوەی هەزاران هاووڵاتی غەززە، بەهۆی داخرانی ڕێڕەوی نەتساریم لەلایەن ئیسرائیلەوە کێشەیان بۆ دروستبوو، ئەمەش دوای ئەوەی ئیسرائیل حەماسی تۆمەتبار کرد بەوەی پێشێلی ڕێککەوتنەکەی کردووە، تا ئەربیل یەهود ئازاد نەکرێت ڕێڕەوەکە ناکرێتەوە.

لێدوانی فەرمی: مەجید ئەنساری، وتەبێژی وەزارەتی دەرەوەی قەتەر لە کۆنگرەیەکی ڕۆژنامەوانیدا لە دەوحە ڕایگەیاند: ڕێککەوتنێک کراوە بۆ ئازادکردنی ئەو بارمتەیەی  کە ئیسرائیل داوای کردووە بەر لە هەینی ئازاد بکرێت.

لەلایەکی دیکەوە: حەماس ڕایگەیاند: ئەربیل یەهود، بارمتە ئیسرائیلییەکە  هێشتا لە ژیان دایە و تەندروستی زۆر باشە و هەینی داهاتوو ئازادی دەکەین.

زانیاریی زیاتر: ئەربیل یەهود، کچێکی جووە و لەدایکبووی ساڵی 1995ـە بزووتنەوەی حەماس، دەڵێت: ئەربیل بۆ سوپای ئیسرائیل کاری کردووە لەبەر ئەوە لە 7ی ئۆکتۆبەری ساڵی 2023 بارمتە گیراوە.