مێتا 25 ملیۆن دۆلار بە ترەمپ دەدات

ئاڤا نیوز

بۆ یەکلاییکردنەوەی داواکاریەکی لە ساڵی 2021، کۆمپانیای مێتا ناچار دەبێت بڕی 25 ملیۆن دۆلار بە دۆناڵد ترەمپ بدات.

چیرۆکی سەرەکی: دۆناڵد ترەمپ سکاڵای یاسایی لەسەر هەریەکە لە مارک زوکەربێرگ و تۆڕی کۆمەڵایەتیی ئێکس تۆمارکردووە بەهۆی ڕاگرتنی هەژمارەکانی دوای ئەوەی ڕاگەیێنرا کە دۆناڵد ترەمپ ساختەکاری کردووە لە هەڵبژاردنەکانی خولی یەکەمی ئەمریکا.

لێدوانی فەرمی: دوێنی چوارشەممە، کۆمپانیای مێتا ڕایگەیاند: ڕەزامەندیمان دەڕبریوە لەسەر پێدانی نزیکەی 25 ملیۆن دۆلار بۆ یەکلاییکردنەوەی سکاڵایەکی یاسایی دۆناڵد ترەمپ، سەرۆکی ئەمریکا سەبارەت بە ڕاگرتنی ئەکاونتەکانی لەلایەن کۆمپانیاکەمان.

زانیاری زیاتر: مارک زوکەربێرگ، بەڕێوبەری کۆمپانیای مێتا لەکاتی بانگەشەی هەڵبژاردنەکان بڕی یەک ملیۆن دۆلاری بە دۆناڵد ترەمپ بەخشیبوو، بەردەوام هەوڵ دەدات پەیوەندییەکانی لەگەڵ باشتر بکات، چونکە لایەنگرانی ترەمپ تۆمەتباری دەکەن بەوەی پلاتفۆرمەکانی بۆ پشتگیری کردن لە دیموکراتەکان بەکاردەهێنێت.