لە نوێترین ڕاپرسیدا  ترەمپ لە پێشەوەی بایدنە

ئاڤا نیوز

ئەنجامەكانی ڕاپرسییەک كە لەلایەن ڕۆژنامەی نیویۆرک تایمز و كۆلێژی سیێناوە كراوە، دەریدەخەن كە خۆشویستراویی ترەمپ بە 4% لە پێشەوەی بایدنە. 

ڕاپرسییەكە چی دەڵێت: بەگوێرەی ڕاپرسییەكە 48% بەشداربووان دەنگ بە ترەمپ و 44% دەنگ بە بایدن دەدەن. ژمارەیەكیش لە بەشداربووان لەو باوەڕەدان كە نیكی هایلی، ڕكابەری ترەمپ لە ناوخۆی كۆمارییەكان، شایستەی دەنگ پێدانە و ئەگەر ئەو لە بری ترەمپ ببێتە بەربژێری كۆتایی ئەوا 46% دەنگ بە هایلی دەدەن و 37% دەنگ بە بایدن دەدەن.

زانیاریی زیاتر: بە گوێرەی ڕاپرسییەكە هۆكاری پاشەكشەی بایدن لە ناو دەنگدەرانیدا بۆ زۆری تەمەن و خراپیی هەڵوێستی سەبارەت بە پرسی كۆچبەران و شەڕی غەززە دەگەڕێتەوە.

ئەمەش بزانە: ئەم ڕاپرسییە لە نێوان ڕۆژانی 25 تا 28ی شوباتی 2024، لە نێوان   980 كەسدا لە سەر ئاستی تەواوی ئەمریكا و لە ڕێگەی پەیوەندیی تەلەفۆنییەوە ئەنجام دراوە.