یەمەن گەمارۆی کەشتییە قەدەغەکراوەکان لە دەریای سوور هەڵدەگرێت

جیهان
2 شوبات

شەیری بکە لە:

یەمەن گەمارۆی کەشتییە قەدەغەکراوەکان لە دەریای سوور هەڵدەگرێت

کەشتییەکی نەوت هەوڵگر لە دەریای سوور کە پێشتر لەلایەن حوسییەکانی یەمەنەوە بە ئامانجگیراوە، وێنە: bbc

ئاڤا نیوز

دوای ئاگربەستی غەززە، بارودۆخی دەریای سوور ئارام دەبێتەوە و یەمەن ڕێگە بە کەشتییە بارهەڵگرە قەدەغەکراوەکان دەدات بە دەریای سووردا تێپەڕببن.

وێنە گەورەکە: دوای دەستپێکردنی شەڕی حەماس و ئیسرائیل لە ئۆکتۆبەری 2023 گرژی و ئاڵۆزی لە گەرووی بابولمەندەب و دەریای سوور پەرەی سەند و چەکدارە حووسییەکان گەمارۆیان خستە سەر هاتووچۆی کەشتیە بازرگانییەکان. چەند کۆمپانیایەکی گواستنەوە خرانە لیستی کۆمپانیا قەدەغەکراوەکان.

کاریگەری و لێککەوتەکان: ئەم بڕیارە وایکرد کەشتییەکان ڕێرەوی خۆیان بگۆڕن، درێژبوونەوەی ڕێگای کەشتییەکان بووە هۆی بەرزبوونەوەی نرخەکان و نادڵنیایی زیاتر لە بازرگانی و گواستنەوەی نێودەوڵەتیی.

ئەوەی لەبارەیەوە دەگوترێت: یەکەم کەشتیی بارهەڵگری سووتەمەنی جۆری کریسالیس پەیوەندی بە هێزی دەریایی یەمەنەوە کردووە و ڕەزامەندی وەرگرتووە کە بتوانێت بە دەریای سووردا تێپەڕێت. سوپای یەمەن دڵنیایی داوەتە کەشتییەکە کە پارێزگاری لێدەکات.

ئەمەش بزانە: کەشتی کریسالیس یەکەم کەشتییە دوای بڕیاری قەدەغەی کەشتییەکان دەریای سوور تێپەڕێنێت و پێشتر ڕێڕەوی بازرگانییان گۆڕیوە بۆ لووتکەی هیوا لە ئەفریقا.