ماکرۆن: دەبێت یەکێتی ئەوروپا وەڵامی هەڕەشەکانی ترەمپ بداتەوە

 

ئاڤا نیوز

ئیمانوێل ماکرۆن، سەرۆکی فەڕەنسا لە بەرامبەر هەڕەشەکانی دۆناڵد ترەمپ، سەرۆکی ئەمریکا بانگەوازی گەڕاندنەوەی ڕێز و شکۆ بۆ یەکێتی ئەوروپا دەکات.

چیرۆکی سەرەکی: پاش زیادکردنی باج لە سەر بەرهەمەکانی کەنەدا، مەکسیک و چین، ترەمپ هەڕەشەی سەپاندنی باجی زیاتر لەسەر وڵاتانی ئەوروپا دەکات، ئەمەش لە بەر کەمیی ڕێژەی کڕینی ئۆتۆمبێل و بەرهەمەکانی ئەمریکا لەلایەن وڵاتانی ئەوروپاوە.

لێدوانی فەرمی: ئیمانوێل ماکرۆن، سەرۆکی فەڕەنسا ڕایگەیاند:

- لە ئەگەری ‌هێرشکردنە سەر بەرژەوەندییەکانی وڵاتانی ئەوروپا دەبێت یەکێتی ئەوروپا وەڵامی توندی هەبێت.

- ‌هەڕەشەکانی دۆناڵد ترەمپ دەبێتە هۆی یەکگرتووی و بەهێزبوونی یەکێتی ئەوروپا.

زانیاری زیاتر: بڕیاری بەرزکردنەوەی باج بە ڕێژەی 25% لەسەر بەرهەمەکانی کەنەدا و مەکسیک و  10% لەسەر بەرهەمەکانی چین لە ڕۆژی سێشەممەوە 2025-02-04 جێبەجێ دەکرێت.