بەشێک لە شەقامی 120 مەتری هەولێر دادەخرێت

 

ئاڤا نیوز

بەڕێوەبەرایەتی هاتووچۆی هەولێر شۆفێران ئاگادار دەکاتەوە، کە بەشێکی شەقامی 120 مەتری بۆ ماوەیەکی کاتی دادەخرێت.

چیرۆکی سەرەکی: ڕۆژی دووشەممە 2025-02-03، دەست بە کارکردنی هەڵکەندن و گواستنەوەی بۆری لە پڕۆژەی ئاوی ئیفراز لە گەڕەکی ڕۆشنبیری هەولێر دەکرێت.

ڕاگەیێنراوی فەرمی: بەڕێوەبەرایەتی هاتووچۆی هەولێر ڕاگەیاند: شەقامی خزمەتگوزاری 120 مەتری لە گەڕەکی ڕۆشنبیری نزیک بەنزینخانەی سازین تاوەکو قوتابخانەی ڕۆنا دادەخرێت.

زانیاری زیاتر: هاتووچۆی هەولێر داوا لە شۆفێران دەکات، کە هاتووچۆ بەم شەقامەدا نەکەن، بەڵکو شەقامی جێگرەوە بەکاربهێنن، تا ئەو کاتەی کاری هەڵکەندن و گواستنەوەی بۆڕی ئاو تەواو دەبێت.