قوباد تاڵەبانی: کەرکووکییەکان سیاسەتکردنیان ناوێت و حکومڕانی باشیان دەوێت

 

ئاڤا نیوز

جێگری سەرۆکی حکومەتی هەرێمی کوردستان، داوا لەو ئەندامانەی ئەنجوومەنی پارێزگای کەرکووک دەکات، کە بە هەر هۆکارێک بەشداری کۆبوونەوەکان ناکەن بگەڕێنەوە هۆڵەکانی کۆبوونەوە.

چیرۆکی سەرەکی: ئەمڕۆ پێنجشەممە 2025-02-06، قوباد تاڵەبانی جێگری سەرۆکی حکومەتی هەرێمی کوردستان، سەردانی کەرکووکی کرد لەگەڵ پارێزگار و سەرۆکی ئەنجوومەنی پارێزگاکە کۆبووەوە.

لێدوانی فەرمی: قوباد تاڵەبانی، جێگری سەرۆکی حکومەتی هەرێمی کوردستان، لەمیانی کۆنگرەیەکی ڕۆژنامەوانیدا لە کەرکووک ڕایگەیاند: خەڵکی کەرکووک سیاسەتکردنیان ناوێت، بەڵکو حکومڕانییەکی باشیان دەوێت، ئەمەش پێویستی بە یەک تیمی و یەکڕیزییە.

- هاتووم پشتیوانی خۆم وەکو حکومەتی هەرێمی کوردستان و یەکێتی نیشتمانی بۆ ئیدارەی کەرکووک دەرببڕم.

-داوا لەو ئەندامانەی ئەنجوومەنی پارێزگای کەرکووک دەکەم، کە بە هەر هۆکارێک ناچنە کۆبوونەوەکانی ئەنجوومەن، بچن و بۆچوونی خۆیان دەرببڕن، هەروەها ببنە چاودێر بەسەر ئەدای حکومەت.