بەهۆی ڕووداوێکی هاتووچۆ حەوت ئەندامی خێزانێک گیان لەدەستدەدەن

ئاڤا نیوز

لە ئاکامی ڕووداوێكی سەختی هاتوچۆدا لەنێوان هەردوو پارێزگای دیالە و بەغدا حەوت ئەندامی یەک خێزان گیانیان لەدەستدا.

وێنە گەورەکە: بەهۆی خراپی ڕێگاوبانەکانی عێراق، بەتایبەتی ڕێگای نێوان پارێزگاکان لەلایەک و لەنێوان شار و شارۆچکە و گوندەکان لەلایەکی دیکەوە کە زۆربەیان تاوەکو ئێستا یەک سایدن،  ڕۆژانە  ژمارەیەکی زۆر ڕووداوی هاتووچۆ ڕوودەدەن.

ڕاگەیێنراوی فەرمی: سەرچاوەیەکی پزیشکی لە پارێزگای دیاله بڵاویکردەوە: بەرەبەیانی ئەمڕۆ هەینی 7-2-2025، بەهۆی پێکدادانی ئۆتۆمبێلێکی بچووک بە بارهەڵگرێک لە نزیک شارۆچکەی "جەدیدەت شەت" لەسەر ڕێگای نێوان بەغدا و دیالە حەوت ئەندامی یەک خێزان گیانیان لەدەستدا کە سێ لەو کەسانە منداڵ بوون.

ئەوەی پێویستە بیزانیت: ڕێژەی مردن بەهۆی ڕووداوی هاتووچۆ لەسەر ئاستی جیهان بەرزە، بەگوێرەی ئاماری ڕێکخراوی RoadPeace هەموو ساڵێک ملیۆنێک و 190 هەزار کەس بە ڕووداوەکانی هاتووچۆ گیان لەدەست دەدەن، واتە هەموو ڕۆژێک سێ هەزار و 260 کەس، هەروەها هەموو کاتژمێرێک 136 کەس بە ڕووداوی هاتوچۆ گیان لەدەست دەدەن.