منارەی حەدبا دوای نۆژەنکردنەوە. وێنە - AFP
ئاڤا نیوز
منارەی حەدبا لە شاری مووسڵ دوای بوونیادنانەوەی بەهەمان شێوازی پێشووی، بە فەرمی بەڕووی نوێژخوێنان كرایەوە، پارێزگاری نەینەواش دەڵێت، بوونیاتنانەوەی منارەی حەدبا نوێنەرایەتی زیندووكردنەوەی ڕووحی شارەکە و مێژووی دێرین دەکات و ئەمڕۆ دەنگی بانگ لە منارەی مزگەوتە بیسترا.
وێنە گەورەكە: ساڵی 2017 کاتێک هێزە عێراقییەکان لە بەری ڕاستی شاری مووسڵ نزیک بوونەوە بۆ کۆنتڕۆڵکردنەوەی شارەکە، چەکدارانی داعش مزگەوتی گەورەی نووری و منارەی حەدبایان تەقاندەوە، بەرلەویش شوێنەوارە گرنگەكانی دیكەی پارێزگاكەیان لەناوبردبوو لە دیارترینیان، مزگەوتی نەبی یونس و شاری دێرینی نەمرود.
لێدوانی فەرمی: عەبدولقادر دەخیل، پارێزگاری نەینەوا بە ئاژانسی هەواڵی ئەسۆشیەتد پرێسی ڕاگەیاندووە، "مووسڵ خاوەنی سامانێکی گەورەی کولتووری و ئایینییە، ئەمڕۆش لە ڕێگەی ئەم هێما مێژووییەوە شکۆمەندی خۆی دەگەڕێنێتەوە و نۆژەنکردنەوەی منارەی حەدبا نوێنەرایەتی زیندووكردنەوەی ڕۆحی شاری مووسڵ و مێژووی دێرین دەکات، سوپاسی یونسكۆ و یەكێتی ئەوروپا و ئیماڕات دەكەم كە ڕۆڵی سەرەكییان لە نۆژەنكردنەوەی هەبوو".
ئەوەی پێویستە بیزانیت: منارەی حەدبا یەكێكە لەو حەوت تەلارە لارەی جیهان كە بەهۆی سەرنجڕاكێشی لارییەكەی لە لیستی كەلەپووری جیهان پۆلێن كراوە، لەوچوارچێوەیەشدا پسپۆڕان و شوێنەوارناسان ڕژدبوون لەوەی لەسەر هەمان بناغە و شێوازە کۆنەکەی نۆژەنی بكەنەوە، هاوکات ئەو پارچانەی لە شوێنەکە جێمابوون و کۆکرابوونەوە لە بوونیادنانەوەی منارەکە بەکار هێنراونەتەوە. بودجەی زیاتر لە پەنجا ملیۆن دۆلار بۆ نۆژەنکردنەوەی تەرخانكرا، كە حكومەتی ئیماڕات تێچووەكەی گرتە ئەستۆ.
باكگراوند: منارەی حەدبا له ساڵی 1170 لەلایەن والی و فەرمانڕەوایی ئەوکاتەی شاری مووسڵ "عیمادەدین زەنگی" بوونیادنرا، بەرزی منارەکە 65 مەترە، یەكێكە لە ناسراوترین شوێنەوارەكانی عێراق و لەبەر گرنگی شوێنەكە، لەسەر پارەی 10 هەزار دیناری چاپ كراوە.
منارەی حەدبا لە شاری مووسڵ دوای بوونیادنانەوەی بەهەمان شێوازی پێشووی، بە فەرمی بەڕووی نوێژخوێنان كرایەوە، پارێزگاری نەینەواش دەڵێت، بوونیاتنانەوەی منارەی حەدبا نوێنەرایەتی زیندووكردنەوەی ڕووحی شارەکە و مێژووی دێرین دەکات و ئەمڕۆ دەنگی بانگ لە منارەی مزگەوتە بیسترا.
وێنە گەورەكە: ساڵی 2017 کاتێک هێزە عێراقییەکان لە بەری ڕاستی شاری مووسڵ نزیک بوونەوە بۆ کۆنتڕۆڵکردنەوەی شارەکە، چەکدارانی داعش مزگەوتی گەورەی نووری و منارەی حەدبایان تەقاندەوە، بەرلەویش شوێنەوارە گرنگەكانی دیكەی پارێزگاكەیان لەناوبردبوو لە دیارترینیان، مزگەوتی نەبی یونس و شاری دێرینی نەمرود.
لێدوانی فەرمی: عەبدولقادر دەخیل، پارێزگاری نەینەوا بە ئاژانسی هەواڵی ئەسۆشیەتد پرێسی ڕاگەیاندووە، "مووسڵ خاوەنی سامانێکی گەورەی کولتووری و ئایینییە، ئەمڕۆش لە ڕێگەی ئەم هێما مێژووییەوە شکۆمەندی خۆی دەگەڕێنێتەوە و نۆژەنکردنەوەی منارەی حەدبا نوێنەرایەتی زیندووكردنەوەی ڕۆحی شاری مووسڵ و مێژووی دێرین دەکات، سوپاسی یونسكۆ و یەكێتی ئەوروپا و ئیماڕات دەكەم كە ڕۆڵی سەرەكییان لە نۆژەنكردنەوەی هەبوو".
ئەوەی پێویستە بیزانیت: منارەی حەدبا یەكێكە لەو حەوت تەلارە لارەی جیهان كە بەهۆی سەرنجڕاكێشی لارییەكەی لە لیستی كەلەپووری جیهان پۆلێن كراوە، لەوچوارچێوەیەشدا پسپۆڕان و شوێنەوارناسان ڕژدبوون لەوەی لەسەر هەمان بناغە و شێوازە کۆنەکەی نۆژەنی بكەنەوە، هاوکات ئەو پارچانەی لە شوێنەکە جێمابوون و کۆکرابوونەوە لە بوونیادنانەوەی منارەکە بەکار هێنراونەتەوە. بودجەی زیاتر لە پەنجا ملیۆن دۆلار بۆ نۆژەنکردنەوەی تەرخانكرا، كە حكومەتی ئیماڕات تێچووەكەی گرتە ئەستۆ.
باكگراوند: منارەی حەدبا له ساڵی 1170 لەلایەن والی و فەرمانڕەوایی ئەوکاتەی شاری مووسڵ "عیمادەدین زەنگی" بوونیادنرا، بەرزی منارەکە 65 مەترە، یەكێكە لە ناسراوترین شوێنەوارەكانی عێراق و لەبەر گرنگی شوێنەكە، لەسەر پارەی 10 هەزار دیناری چاپ كراوە.
زیاتر لەسەر ئەم بابەتانە بکۆڵەرەوە
شەیری بکە لە:
دوایین هەواڵەکان
- کوردستان
- 35 خولەک لەمەوپێش
ئەمشەو 170 حاجی دیكە دەگەنەوە خاكی هەرێمی كوردستان
- هەواڵ
- 45 خولەک لەمەوپێش
سێ درۆن لە ناوچەکانی پارێزگای زیقار دەکەونە خوارەوە
هەڵبژاردەکان بۆ تۆ
مۆسادی ئیسرائیل چۆن فەرماندە سەربازییەکانی ئێرانی هەڵخەڵەتاند و هێرشی کردە سەر ئەو وڵاتە؟
18 کاتژمێر لەمەوپێش
ئێران بەچڕیی ئیسرائیل مووشەکباران دەکات و کوژراو و بریندار هەیە
14 حوزەیران
سۆماڵ پەیامێک ئاڕاستەی هەڵەبجە دەکات
12 حوزەیران
ئەو کەسانەی جوانکارییان کردووە ناتوانن فۆڕمی ئەلیکترۆنی پسووڵەی خۆراک پڕبکەنەوە
12 حوزەیران
دەسەڵاتدارانی سووریا داوا لە ژنان دەکەن جلی بۆرکینی لەبەر بکەن
10 حوزەیران
- هەواڵ
- 45 خولەک لەمەوپێش
سێ درۆن لە ناوچەکانی پارێزگای زیقار دەکەونە خوارەوە
- عێراق
- 49 خولەک لەمەوپێش
مووشەکێک بەر باڵەخانەیەکی نزیک باڵیۆزخانەی عێراق لە تاران کەوت
- عێراق
- 57 خولەک لەمەوپێش
عێڕاق وەک ئامادەکارییەک چەکی دژەفڕۆکە بڵاوە پێدەکات
- عێراق
- 1 کاتژمێر لەمەوپێش
ئەنجوومەنی وەزاریی ئاسایشی عێراق لە کۆبوونەوەدایە
