وەزیری دەرەوەی ئەمریکا سەردانی ڕۆژهەڵاتی ناوەڕاست دەکات

ئاڤا نیوز

 

بڕیارە مارکۆ ڕۆبیۆ، وەزیری دەرەوەی ئەمریکا سەردانی ڕۆژهەڵاتی ناوەڕاست دەکات،  ئەمەش دەبێتە یەکەم گەشتی ڕۆبیۆ بۆ ڕۆژهەڵاتی ناوەراست دوای دەستبەکاربوونی. 

 

زانیاریی بەدەستهاتوو: دوای لێدوانەکانی دۆناڵد ترەمپ، سەرۆکی ویلایەتە یەکگرتووەکانی ئەمریکا سەبارەت  بە کۆنتڕۆڵکردنی غەززە لەلایەن ئەمریکاوە، بڕیارە لە ناوەڕاستی مانگی دوو مارکۆ ڕۆبیۆ، وەزیری دەرەوەی ئەمریکا سەردانی ڕۆژهەڵاتی ناوەڕاست بکات، بەمەش دەبێتە یەکەم سەردانی ناوبراو بۆ ناوچەکە دوای دەستبەکاربوونی.

 

زانیاریی زیاتر: بڕیارە مارکۆ ڕۆبیۆ سەردانی هەریەکە لە ئیسرائیل، ئیمارات و سعودیە بکات، هاوکات دوو بەرپرسی فەلەستین ئاشکرایان کردووە وەزارەتی دەرەوەی ئەمریکا پێی ڕاگەیاندوون، "ئەگەر مارکۆ ڕۆبیۆ سەردانی ئیسرائیل بکات ئەوا سەردانی فەلەستینیش دەکات''.

 

ئەوەی پێویستە بیزانیت: ئەم سەردانەی وەزیری دەرەوەی ئەمریکا دوای ئەوە دێت کە لێدوانەکانی ترەمپ سەبارەت بە کۆچپێکردنی هاووڵاتیانی غەززە بۆ وڵاتانی میسر و ئوردن نیگەرانی وڵاتانی عەرەبی و ڕۆژئاوای لێکەوتەوە.