لە هەولێر هەڵمەتێکی گەورەی دارچاندن دەکرێت

ئاڤا نیوز

تیمەکانی بەڕێوەبەرایەتیی ئەندازەی پارکەکانی هەولێر، هەڵمەتێکی گەورەی دارچاندن لە دوورگەی ناوەندی شەقامی 120 مەتری دەستپێدەکات.

 

وێنە گەورەکە: بەمەبەستی زیادکردنی ڕێژەی سەوزای لە سنووری پارێزگای هەولێر، بڕیارە هەڵمەتێکی گەورەی دارچاندن لە مانگی سێی 2025 دەستپێبکات، هاوکات هەر ئەمڕۆش 90 دار لە جۆری سەرووی زیوی لە دوورگەی ناوەندی شەقامی سەرەکی 120 مەتری دەچێنرێت. 

 

لێدوانی فەرمی: رێبین ئەحمەد، بەڕێوەبەری ئەندازەی پارکەکان لە شاری هەولێر، بە ئاڤا میدیای ڕاگەیاند: بڕیارە لە 16ـ 3- 2025 هەڵمەتێکی گەورەی دارچاندن لە هەولێر و دەورووبەری ئەنجام بدەین، زیاتر لە 50 هەزار دار لە هەولێر دەچێنرێت، بەڵام  ئێمە نزیکەی 100 هەزار دار بەرهەمدەهێنین ئەوانی تر بۆ دەورووبەری هەولێر دەنێرین.

 

زانیاریی زیاتر: لە کابینەی نۆیەمی حکومەتی هەرێمی کوردستان گرنگییەکی تایبەت دراوە بە کەرتی ژینگە و پاک ڕاگرتنی کوالێتی کەشوهەوا.