حکومەتی ئیمارات و هەرێمی کوردستان هەماهەنگی لەبواری تەندروستی دەکەن

ئاڤا نیوز

 

مەسرور بارزانی، سەرۆکوەزیرانی هەرێمی کوردستان، لە چوارچێوەی سەردانەکەی بۆ دوبەی بۆ بەشداریکردن لە لووتکەی جیهانی حکومەتەکان لەگەڵ عەبدولرەحمان بن محەممەد ئەلعوەیس وەزیری تەندروستی و خۆپارێزیی کۆمەڵگەی ئیماراتی کۆبووەوە، جەختیان لە هاوکاری و هەماهەمگی هەردوولا  کردەوە.

 

وێنە گەورەکە: دوو ڕۆژە سەرۆکوەزیران مەسرور بارزانی، بەیاوەری شاندێکی حکومی لە ئیماراتە بەئامانجی ئەنجامدانی چەندین دیدار و کۆبوونەوەی گرنگ و گفتوگۆ لەبارەی پەرەپێدانی پەیوەندییەکانی هەرێمی کوردستان لەگەڵ لایەنە بەشداربووەکانی لووتکەکە.

 

زانیاریی بەدەستهاتوو: لە کۆبوونەوەکەدا کە قوباد تاڵەبانی جێگری سەرۆکی حکومەت ئامادەی بوو، هەردوولا هاوڕابوون لەسەر گرنگیی برەودان بە هاریکاری و هەماهەنگیی نێوان هەرێمی کوردستان و ئیمارات لە بواری تەندروستیدا.

 

ئەوەی پێویستە بیزانیت: لووتکەی جیهانی حکومەتەکان، کۆڕبەندێکی جیهانییە بۆ خستنەڕووی دیدگای فراوان بۆ ئاراستەکردنی داهاتووی حکومەتەکان، 30 سەرۆکی وڵاتان، 140 سەرۆکی حکومەتەکان، 80 ڕێکخراو و دامەزراوەی نێودەوڵەتیی و هەرێمی لەگەڵ ژمارەیەک بیرمەندی جیهانی و شەش هەزار کەس بەشدار دەبن.