ترەمپ داوای گەڕاندنەوەی پارەکانی ئەمریکا لە ئۆکراینا دەکات

ئاڤا نیوز

دۆناڵد ترەمپ داوا دەکات ئۆکراینا پارەکانی ئەمریکا بگەڕێنێتەوە کە بۆ جەنگی دژ بە ڕووسیا پێیاندراوە و دەڵێت نامانەوێت گەمژە دەرکەوین.

وێنە گەورەکە: بە درێژایی ماوەی جەنگی نێوان ڕووسیا و ئۆکراینا،  ئیدارەی پێشووی ئەمریکا بە سەرۆکایەتی بایدن زۆرترین هاوکاری پێشکەش بە کیێڤ کردووە و ئێستا دۆناڵد ترەمپ، سەرۆکی ئەمریکا داوای گەڕاندنەوەی پارەکانی وڵاتەکەی دەکات.

لێدوانی فەرمی: دۆناڵد ترەمپ، سەرۆکی ئەمریکا لە چاوپێکەوتنێکی تەلەفزیۆنیدا ڕایگەیاند: لە بەرامبەر پارەکانی ئەمریکا داوای خاکێکی ناوازەم کردووە لە ئۆکراینا کە بەهاکەی بە 500 ملیار دۆلار دەخەمڵێنرێت و کیێڤ ئامادەیی بۆ جێبەجێکردنی داواکە دەربڕیووە.

زانیاری زیاتر: لە سەرەتای دەستپێکردنی جەنگی نێوان ڕووسیا و ئۆکراینا لە ساڵی 2022، ئەمریکا جگە لە چەک و پێداویستیە سەربازییەکان، بڕی 113.4 ملیار دۆلار هاوکاری پێشکەش بە ئۆکراینا کردووە.