ئێکس 10 ملیۆن دۆلار بە ترەمپ دەدات

ئاڤا نیوز

کۆمپانیای ئێکس ڕەزامەندی دەربڕیوە بە پێدانی 10 ملیۆن دۆلار بۆ یەکلاییکردنەوەی داوایەکی  یاسایی دۆناڵد ترەمپ، سەرۆکی ویلایەتە یەکگرتووەکانی ئەمریکا.

چیرۆکی سەرەکی: کۆمپانیای ئێکسی ئیلۆن ماسک ڕەزامەندی دەربڕیوە لەسەر پێدانی  10 ملیۆن دۆلار بۆ یەکلاییکردنەوەی سکاڵایەکی یاسایی دۆناڵد ترەمپ، سەرۆکی ئەمریکا کە لە دژی کۆمپانیاکە و بەڕێوەبەری جێبەجێکاری پێشووی کۆمپانیاکە تۆماری کردبوو.

زانیاریی زیاتر: ئەمە دووەم پلاتفۆرمی سۆشیاڵ میدیایە کە قەرەبووی دارایی پێشکەش بە دۆناڵد ترەمپ بکات بەهۆی داوا یاسایەکانی بەرامبەریان، دوو هەفتە لەمەوبەریش کۆمپانیای مێتا بڕی 25 ملیۆن دۆلار قەرەبووی ترەمپی کرد.

باکگراوند: ترەمپ لە مانگی تەمموزی 2021، سکاڵای یاسایی لەسەر هەریەکە لە مارک زوکەربێرگ و تۆڕی کۆمەڵاتیی ئێکس تۆمار کرد بەهۆی ڕاگرتنی هەژمارەکانی، دوای ئەوەی ڕاگەیێنرا کە دۆناڵد ترەمپ ساختەکاری کردووە لە هەڵبژاردنەکانی خولی یەکەمی هەڵبژاردنەکان.