سوپای ئیسرائیل: ئامادەین بۆ هێرشکردنە سەر غەززە

 

ئاڤا نیوز

هێرزی هالێڤی سەرۆک ئەرکانی سوپای ئیسرائیل ڕایگەیاند، سەرباری بەردەوامی ئازادکردنی بارمتەکانی ئیسرائیل لە غەززە لە چوارچێوەی ئاگربەستی ئیسرائیل و حەماس، سوپای ئیسرائیل بەردەوامە لە دانانی پلان بۆ هێرشکردنە سەر چەکدارانی حەماس.

وێنە گەورەکە: ڕێککەوتنی ئاگربەستی نێوان حەماس و ئیسرائیل لە 2025-01-19، چووە بواری جێبەجێکردنەوە تا ئێستا هەردوولا پێنج گەڕی ئاڵوگۆڕکردنی بارمتەکانیان ئەنجامداوە و ئەمڕۆش سێ بارمتەی ئیسرائیلی لە بەرامبەر 369 زیندانی فەڵەستینی ئازاد کران.

لێدوانی فەرمی: هێرزی هالێڤی سەرۆک ئەرکانی سوپای ئیسرائیل ڕایگەیاند:

٠ هەرچەندە پڕۆسەی ئازادکردنی بارمتە ئیسرائیلییەکان لە غەززە بەردەوامە، بەڵام سوپاکەمان بەردەوامە لە داڕشتنی پلانی هێرشکردنە سەر چەکدارانی حەماس.

٠ وەک سوپای ئیسرائیل کاردەکەین بۆ گەڕاندنەوەی هەموو بارمتەکان، هەوڵی زۆر گەورەشمان بۆ ئەو ئامانجە داوە.

باکگراوند: دوای هەڕەشەکانی ئیسرائیل و ئەمریکا بۆ هێرشکردنە سەر غەززە، حەماس ئازادکردنی بارمتە ئیسرائیلییەکانی دەستپێکردەوە.