ئەسعەد شەیبانی: دەبێت ئیسرائیل لە خاکی سووریا بچێتە دەرەوە

ئاڤا نیوز

وەزیری دەرەوەی سووریا لە پانێڵێکی" کۆنفرانسی ئاسایشی میونشن" کە ئێستا بە شێوەیەکی ڕاستەوخۆ بەڕێوەدەچیت داوای لە سوپای ئیسرائیل کرد کە خاکی وڵاتەکەی بەجێبهێلێت.

وێنە گەورەکە: ئەمشەو هەریەک لە ئەسعەد شەیبانی، وەزیری دەرەوەی سووریا و هاکان فیدان، وەزیری دەرەوەی تورکیا بەشداریان لە پانێلێکی " کۆنفرانسی ئاسایشی میونشن" کرد و هەردوولا باسیان لە دۆخی سووریا و نوێترین پێشهاتەکانی ئەو وڵاتە کرد.

لێدوانی فەرمی: ئەسعەد شەیبانی لە کۆنفرانسەکەدا ڕایگەیاند: داوا دەکەین سوپای ئیسرائیل باشوری سووریا بە جێبهێڵێت و هێزەکانی نەتەوە یەکگرتووەکان جێگایان بگرنەوە و بە شێوەیەکی کاتی پاراستنی ئەو ناوچانەی سووریا بگرنە ئەستۆ.

ئەو جووڵەیەی سوپای ئیسرائیل ڕاستەوخۆ دوای ڕووخانی ڕژێمی بەشار ئەسەد، هەنگاوێکی چاوەڕواننەکراو بوو، هەوڵە دیبلۆماسی و نێودەوڵەتیەکانمان چڕ کردۆتەوە بۆ چارەسەرکردنی ئەو کێشەیە و داوای پاراستنی سەروەری سووریا دەکەین.