زێلێنسکی ڕێککەوتنی ئەمریکا و ڕووسیا بۆ کۆتایهاتنی جەنگ ڕەتدەکاتەوە

ئاڤا نیوز

 

سەرۆکی ئۆکراینا لە ئێستاوە هەر ڕێککەوتنێکی نێوان ئەمریکا و ڕووسیا بۆ کۆتایهێنان بە جەنگی نێوان وڵاتەکەی و ڕووسیا ڕەتدەکاتەوە.

 

وێنە گەورەکە: ئەمڕۆ 18-2-2025، هەریەک لە سێرگی لاڤرۆڤ، وەزیری دەرەوەی ڕووسیا و مارکۆ ڕۆبیۆ، وەزیری دەرەوی ئەمریکا لە سعوودیە کۆبوونەوەی ئامادەکاریی ئەنجامدەدەن بۆ کۆبوونەوەی نێوان ڤلادیمێر پووتین و دۆناڵد ترەمپ بۆ گفتووگۆکردن و بڕیاردان لەسەر کۆتایپێهێنانی جەنگی 3 ساڵەی نێوان ئۆکراینا و ڕووسیا بەبێ بەشداری ڤۆلۆدیمێر زیلێنسکی.

 

لێدوانی فەرمی: ڤۆلۆدیمێر زێلێنسکی، سەرۆکی ئۆکراینا لە کۆنگرەیەکی ڕۆژنامەوانیدا ڕایگەیاند: هەر ڕێکەوتنێكی ئاشتی لە ئەنجامی کۆبوونەوەی نێوان ڕووسیا و ئەمریکا سەبارەت بە جەنگ ڕەتدەکەینەوە و ناکرێت بە بێ بەشداری ئۆکراینا بڕیار لە سەر خاک و داهاتووی وڵاتەکەمان بدرێت، ڕێکەوتنی ئاشتی بەبێ بەشداری کیێڤ لە کۆبوونەوەی سەرۆکەکان جێبەجێناکرێت.

 

زانیاریی زیاتر: بڕیار وایە دوای کۆبوونەوەی وەزیرانی دەرەوەی ئەمریکا و ڕووسیا، ڕۆژی چوار شەممە زیلێنسکی سەردانی سعودیە بکات.