دژەتیرۆری عێراق لە چیای قەرەچوغ چەند پەناگەیەکی داعش تێکدەشنێت

ئاڤا نیوز

هێزەکانی دژەتیرۆری عێراق ئۆپەراسیۆنێکی سەربازییان لە قەرەچوغ دژی چەکدارانی داعش ئەنجامدا و دەستییان بەسەر ژمارەیەک چەک و تەقەمەنی دا گرت.

چیرۆکی سەرەکی: ئەمڕۆ هەینی 2025-02-21، هێزەکانی دژەتیرۆری عێراق  ئۆپەراسیۆنیکیان دژی چەکدارانی داعش لە چیای قەرەچوغ ئەنجامدا. ژمارەیەک تۆنێل و پەناگەی داعش تێکشکێنران، هاوکات ژمارەیەک چەک و تەقەمەنی دەستی بەسەرداگیرا.

ڕاگەیێنراوی فەرمی: شانەی راگەیاندنی ئەمنیی عێراق، ڕایگەیاند، دژەتیرۆری عێراق لە زنجیرە چیاكانی قەرەچوغ لە سنووری قەزای مەخمور، ئۆپەراسیۆنێکیان ئەنجامدا، توانیان 18 پەناگە و 7 تونێلی چەكدارانی داعش بڕووخێنن.

زانیاریی زیاتر: هەر لەو شوێنانەی ئۆپراسیۆنەکەی تێدا ئەنجامدرا تەرمی چەند چەكدارێکی داعش بە جێماون و چەك و تەقەمەنی و ئامێری وزەی خۆریش دەستیان بەسەردا گیراوە.

لەلایەکی دیکەوە: سەرچاوەیەک لە هێزەکانی پێشمەرگە لە چیای قەرەچوغ، بە ئاڤا میدیای ڕاگەیاند: لە ئۆپراسیۆنەکە، هێزی پێشمەرگە بەشداری نەکردووە، تەنیا هیزەکانی دژەتیرۆری عێراق ئەرکەکەیان ئەنجامداوە.