هەولێر و بەغدا لەبارەی هەناردەکردنەوەی نەوتی کوردستان ڕێککەوتن

ئاڤا نیوز

 

بە ئامانجی زوو دەستپێکردنەوە بە هەناردەکردنەوەی نەوتی ‌هەرێمی کوردستان، هەولێر و بەغدا ڕێککەوتن.

 

وێنە گەورەکە: وەزارەتی نەوتی عێراق و وەزارەتی سامانە سرووشتییەکانی هەرێمی کوردستان ئامادەییان پیشانداوە، بۆ ئەوەی دوای نزیکەی دوو ساڵ لە زووترین کاتدا دەست بە هەناردەی نەوت بکەنەوە، ئەپیکۆریش هەڵوێستی خۆی لەوبارەیەوە دووپاتکردەوە و ئامادەن بۆ هەنگاوە کردەییەکان.

 

ڕاگەیێنراوی فەرمی: شاندی دانووستانکاری هەرێمی کوردستان ڕایگەیاند، ئەمڕۆ یەکشەممە، دوای پەیوەندی و هەماهەنگی نێوان وەزارەتی نەوتی عێراق و وەزارەتی سامان سرووشتییەکان هەرێمی کوردستان، ڕێککەوتن کرا بۆ دەستپێکردەوەی هەناردەکردنەوەی نەوتی کوردستان بەپێی بڕی بەردەست. 

 

زانیاریی زیاتر: هەر ئەمڕۆ تیمێکی تەکنیکی لە نێوان هەولێر و بەغدا پێکهێنرا بۆ پشکنینی بۆری هەناردەکردنەوە نەوت و دیارکردنی ئامادەیی، هاوکات شاندی دانووستانکار پابەندی خۆی بۆ جێبەجێکردنی ڕێککەوتنەکە نیشانداوە. 

 

لەلایەکی دیکەوە: کۆمەڵەی پێشەسازی نەوت  لە کوردستان (ئەپیکور) لە ڕاگەیێنراوێکدا دەڵێت، "کۆمپانیاکانمان ئامادەن بۆ دەستپێکردنەوەی هەناردەی نەوتی کوردستان، بەڵام مەرجمان ئەوەیە ڕێككەوتنێكی نووسراو هەبێت و پارێزگاری مەرجەكانی گرێبەست و بازرگانی و ئابووری کۆمپانیاكان بكات."