ئەڵمانیا هەزاران پەنابەر دیپۆرتی وڵاتەکانیان دەکاتەوە

ئاڤا نیوز

 

زیاتر لە 20 ملیۆن پەنابەر لە ئەڵمانیا دەژین و وڵاتەکە ڕێککارەکانی دژی پەنابەران تووندتر کردووە، هاوکات پارتەکانی ئۆپۆزیسیۆن بۆ دیپۆرتکردنەوەیان فشار دەخاتە سەر حکومەت.

 

وێنە گەورەکە: لە کاتێکدا کە ئەمڕۆ هەڵبژاردنی پێشوەختەی پەرلەمانی ئەڵمانیا بە بەشداری زیاتر لە لە 59 ملیۆن کەس دەکرێت، وڵاتەکە کار لەسەر دیپۆرکردنەوەی هەزاران پەنابەر دەکات و هەفتەی ڕابردووش 47 هاووڵاتی عێراقی دیپۆرت کردووەتەوە.

 

لێدوانی فەرمی: هەورامان عەلی تۆفیق، چالاکوان و ڕۆژنامەنووس بە ئاڤا میدیا راگەیاند: دوای ئەوەی چەندین کێشە و گرفت بەرۆکی حکومەتی ئەڵمانیای گرتووە، پارتە ئۆپۆزیسیۆنەکان بابەتی دیپۆرتکردنەوەی پەنابەرانیان وەک کارتی فشار بەرامبەر بە حکومەت بەکارهێناوە.

- حکومەتی ناچار کراوە ڕێککاری تووند دژی پەنابەران بگرێتەبەر.
- ئەو پەنابەرانە ڕەت دەکرێنەوە کە تاوانیان هەیە، یان مافی پەنابەرێتییان ڕەتکراوەتەوە.
-ڕووداوەکان و هێرشەکانی ئەڵمانیا کاریگەرییان لەسەر دیپۆرتکردنەوەی پەنابەران هەبووە.
-هاتنە پێشەوەی ئەو پارتانەی توانیویانە کاریگەریی بخەنە سەر ڕای گشتی، حکومەتی ناچار کردووە گۆڕانکاری لە یاساکانی پەنابەراندا بکات.
-داوا دەکرێت ئەڵمانیا سنوورەکانی لەگەڵ وڵاتان تووندتر بکات.
- عێراق و ئەڵمانیا ڕێککەوتنێکی ژێر بە ژێریان بۆ دیپۆرتکردنەوەی پەنابەران هەیە.

 

هەورامان عەلی تۆفیق گوتیشی: ڕەوەندی کوردی لە دەرەوە بەرنامەیەکی گشتگیری بۆ هەڵبژاردن نییە، تاوەکو ئەندام پەرلەمانی کورد بخانە نێو پەرلەمانی وڵاتەکەوە.