وەزارەتی کارەبا: کێشەی کارەبا چارەسەر کرا

ئاڤا نیوز

 

دوای ئەوەی بۆ جاری دووەم تۆڕی کارەبای هەرێمی کوردستان دووچاری کەمبوونەوەی بەرهەمیێنانی کارەبا بووەوە، وەزارتی کارەبای هەرێمی کوردستان ڕایگەیاند، دۆخی کارەبا ئاسایی بووەتەوە. 

 

وێنە گەورەکە: شەوی دووشەممە جارێکی دیکە کێشەیەکی تەکنیکی لە کێڵگەی غازی کۆرمۆر دروست بوو بەهۆیەوە هەزار مێگاوات کارەبا کەمی کرد، بەڵام دوای چەند کاتژمێرێک ئاستی بەرهەمهێنانی کارەبا گەڕێنرایەوە 3800 مێگاوات، ئەمڕۆش جارێکی دیکە بەهۆی دروستبوونی گرفتی تەکنیکییەوە 2500 مێگاوات کارەبا کەمیکردووە، لەم ساڵدا ئەمە چوارەمین جارە ئاستی بەرهەمهێنانی کارەبا بە هۆی بوونی کێشە لە کێڵگەی غازی کۆرمۆر کەمدەبێتەوە. 

 

ڕاگەیێنراوی فەرمی: وەزارەتی کارەبای هەرێمی کوردستان ڕایگەیاند: بەهەماهەنگی لەگەڵ وەزارەتی سامان سرووشتییەکان و لەگەڵ کۆمپانیای دانا غاز توانراوە گرفتەکە چارەسەر بکرێت و ئەو بڕە کارەبا لە دەستچووە بگەڕێنرێتەوە ناو تۆڕی کارەبای نیشتمانی.