دوو هاوسەر ناچارکران بۆ ماوەی 4 کاتژمێر لە تەنیشت تەرمێکەوە لەناو فڕۆکە دابنیشن

 

ئاڤا نیوز

دوو هاوسەری ئوسترالی ڕەخنە لە هێڵی ئاسمانی قەتەر دەگرن بەهۆی دانانی تەرمێک لە تەنیشتیانەوە لە کاتی گەشتەکەیان.

چیرۆکی سەرەکی:  خانمە گەشتیارێک لە میانەی گەشتێکی 14 کاتژمێری لە نێوان مێلبۆرن بۆ دەوحە بە هێڵی ئاسمانی قەتەر، لە ئاسماندا لەناو فڕۆکەکە گیان لەدەستدەدات، کارمەندانی خزمەتگوزاری فڕۆکەکەش تەرمی خانمەکە لەپاڵ دوو هاوسەری ئوسترالی دادەنێن ئەمەش وادەکات ئەو دوو هاسەرە سکاڵا لەو هێڵە بکەن.

ڕاگەیێنراوی فەرمی: هێڵی ئاسمانی قەتەر لەسەر ئەم ڕووداوە ڕایگەیاند: بە فەرمی داوای لێبوردن دەکەین بۆ هەر ناڕەحەتییەک یان ناخۆشییەک کە ئەم ڕووداوە دروستی کردبێت و لە پرۆسەی پەیوەندیکردن بە گەشتیارەکانداین بەپێی سیاسەت و ڕێوشوێنەکانمان لەگەڵیان هەڵسوکەوت دەکەین.

زانیاری زیاتر: کارمەندانی فڕۆکەکە بەهۆی کێشی زۆری ئەو خانمەی گیانی لەدەستدابوو نەیانتوانیبوو لە شوێنی خۆی بیجوڵێنن بۆیە لەپاڵ ئەو دوو هاوسەرەدا دانراوە.