سووریا بۆ دەستپێکردنەوەی وەبەرهێنان بانگێشتی کۆمپانیا نەوتییەکان دەکات

ئاڤا نیوز

هەڵگرتنی سزاکان لەسەر کەرتی وزەی سووریا لەلایەن یەکێتی ئەوروپا دەستپێکردنەوەی وەبەرهێنان لە نەوتی ئەو وڵاتە خێراتر دەکات.

 

وێنە گەورەکە: سووریا بانگێشتی ئەو کۆمپانیا نەوتییانە دەکات کە پێشتر وەبەرهێنانیان لە سێکتەری نەوتی ئەو وڵاتە کردووە و داوا دەکات بگەڕێنەوە بۆ وڵاتەکە بۆ ئەوەی جارێکی دیکە دەست بە وەبەرهێنان لە کەرتی نەوتی بکەنەوە.

 

پێدراوە راستەکان: وەزیری نەوت و سەرچاوە سروشتییەکانی سووریا بە ئاژانسی هەواڵی سووری راگەیاندووە کە داوایان لە کۆمپانیا نێودەوڵەتییەکان کردووە کە پێشتر لە سووریا وەبەرهێنانیان کردووە بۆ ئەوەی بتوانن لەڕێگەی ئەو ئەزموونەی لە وڵاتەکە هەیانە بتوانن گەشە بە ئاستی بەرهەمهێنان و کەرتی وزەی ئەو وڵاتە بدەن.

 

هۆکارە زانراوەکان: ئەم داواکارییەی سووریا لە کۆمپانیا نێودەوڵەتییەکانی بواری وزە دوای بڕیاری یەکێتی ئەوروپا دێت بۆ لادانی سزاکان لەسەر کەرتی وزەی ئەو وڵاتە

 

ئەوەی پێشبینی دەکرێت: دەستپێکردنەوەی وەبەرهێنان و هەناردەکرنەوەی نەوتی سووریا یارمەتیدەرە بۆ ئەو وڵاتە تاوەکو بتوانێت ژیرخانی ئابووری وڵاتەکەی ڕێکبخاتەوە و پەرە بە پەیوەندییە دیبلۆماسیی و ئابوورییەکانی لەگەڵ وڵاتانی دراوسێ و رۆژئاوا بدات.