لە کەنەدا دژی بڕیارێکی ترەمپ ناوی قاوەیەک دەگۆڕدرێت

ئاڤا نیوز

دژ بە بڕیرێکی دۆناڵد ترەمپ سەرۆکی ئەمریکا بەرامبەر بە کەنەدا، لەو وڵاتە ناوی قاوەی ئەمریکانۆ دەگۆڕێت بە کەنەدیانۆ.

چیرۆکی سەرەکی: هەندێ لە قاوەخانەکانی کەنەدا دژی بڕیاری دۆناڵد ترەمپ کە دەیەوێت کەنەدا بکاتە ویلایەتی 51ـی ئەمریکا و زیادکردنی باجی گومرگی، ناوی قاوەی ئەمریکانۆ دەگۆڕن.

لێدوانی فەرمی: بەشێک لە خاوەنی قاوەخانەکان لە کەنەدا دەڵێن، دوای بڕیارەکەی دۆناڵد ترەمپ دژی وڵاتەکەمان لە زیادکردنی باجی گومرگی و هەوڵدان بۆ ئەوەی وڵاتەکەمان ببێتە 51ـەمین ویلایەتی ئەمریکا ناوی قاوەی ئەمەریکانۆمان گۆڕیوە بۆ کەنەدیانۆ.

زانیاری زیاتر: دەستپێشخەرییەکە سەرەتا لە کافتریایەکی شاری تۆرینتۆی کەنەدا دەستیپێکرد، بەڵام ئێستا بووە بە هێمای پشتیوانی لە بەرهەمی نەتەوەیی کەنەدا.

ئەمەش بزانە: ئەم کاردانەوەیە دوای ئەوە هات کە دۆناڵد ترەمپ باجی گومرگی بە ڕێژەی 25% بەسەر کەلوپەلی کەنەدیدا سەپاند بۆ فشار خستنە سەر ئۆتاوا بۆ گرتنەبەری ڕێوشوێنی توندتر دژی کۆچبەرانی نایاسایی و هاتنە ناوەوەی ماددە هۆشبەرەکان بۆ ئەمەریکا.