ترەمپ و زێلێنسكی لەبەردەم دەزگاكانی ڕاگەیاندن دەبێتە دەمەقاڵێیان

ئاڤا نیوز

لە کۆشکی سپی دۆناڵد تره‌مپ، سه‌رۆكی ئه‌مه‌ریكا پێشوازیی له‌ ڤلۆدۆمێر زێلێنسكی، سه‌رۆكی ئۆكرانیا كرد سەبارەت بە واژۆکردنی ڕێککەوتنی کانزا نایابەکانی ئۆکراینا و کۆتاییهێنان بە شەڕ. 

چیرۆکی سەرەکی: ئێوارەی ئەمڕۆ هەینی لە کۆشکی سپی دۆناڵد ترەمپ سەرۆکی ئەمریکا پێشوازی لە ڤلۆدۆمێر زێلێنسكی سەرۆکی ئۆکراینا کرد و لە میانی گفتوگۆیان لەبەردەم ڕۆژنامەنووسان دەمەقاڵێ لە نێوانیان درووست دەبێت و ترەمپ دەنگ بەسەر زێلێنیسکی بەرز دەکاتەوە.

چی ڕوویدا: لە کاتی پێشوازیدا لەبەردەم ڕۆژنامەنووساندا گفتوگۆیەکی توند لەنێوان دۆناڵد ترەمپ، سەرۆکی ئەمریکا و ڤلۆدۆمێر زێلێنیسکی، سەرۆکی ئۆکراینا درووستبوو تێیدا ترەمپ بە تووڕەیی و بەدەنگی بەرز بە زێلێنسکی گوت:

٠ پێویستە منەتبارمان بیت، تۆ لە جەنگێكی كە سووڕ دەزانیت تێیدا سەركەوتوو نابیت.

٠ ئەگەر ئەم ئاگربەستە قەبووڵ نەکەیت ئەوا شەڕ و کاولکاری لە وڵاتەکەت بەردەوام دەبێت.

٠ هیچ دەرفەتێکی ترت نیە بێ ئێمە بۆیە پێویستە لەگەڵ ئێمە بیت.

 ٠ سەرۆکە گەمژەکە (مەبەستی بایدن)ـە 350 ملیار دۆلاری پێدایت و بە بێ پشتیوانی سەربازی ئەمریکا نەبوایە بە دوو هەفتە یان کەمتریش لە جەنگەکە دەدۆڕایت.

٠ پوتن ڕەنگە لەگەڵ وڵاتانی دیكە ڕێككەوتنی شكاندبێت بەڵام لەگەڵ ئەمریكا ناتوانێت.