زێلێنسکی: دەتوانین پەیوەندییەکانمان لەگەڵ ئەمریکا چاک بکەین

ئاڤا نیوز

 

دوای ئەنجامدانی کۆنگرەیەکی ڕۆژنامەوانی هاوبەش لەنێوان هەریەکە لە سەرۆکی ئەمریکا و ئۆکراینا دا، ڤۆلۆدمیر زێلێنسكی، سەرۆکی ئۆکراینا ڕایدەگەینێت کە پێویستییان بە ئەمریکایە.

 

وێنە گەورەکە: ڕۆژی هەینی لە کۆشکی سپی دۆناڵد ترەمپ، سەرۆکی ئەمریکا پێشوازی لە ڤۆلۆدمیر زێلێنسكی، سەرۆکی ئۆکراینا کرد و لە میانی گفتوگۆیان لەبەردەم ڕۆژنامەنووسان گفتوگۆیەکی تووند لە نێوانیان دروست دەبێت و ترەمپ دەنگ بەسەر زێلینیسکی بەرز دەکاتەوە. 

 

لێدوانی فەرمی: ڤۆلۆدمیر زێلێنسكی ڕایگەیاند، هێشتا دەتوانرێت پەیوەندییەکانمان لەگەڵ ئەمریکا چاک بکەینەوە، دەتوانین پەیوەندیمان لەگەڵ ترەمپ باش بکەین، ئۆکراینا پێویستی بە یارمەتی ئەمریکایە لە شەڕی دژ بە ڕووسیا. 

 

ئەمەش بزانە: دوا بەدوای ڕۆشتنی زێلێنسكی لە کۆشکی سپی و هەڵوەشاندنەوەی کۆنگرە ڕۆژنامەوانییەکەیان، سەرۆکی ئۆکراینا چاوپێکەوتنی لەگەڵ فۆکس نیوز کرد.