سەرۆک بارزانی لەگەڵ ئەیاد سامەرائی مەترسییەکانی دەرکەوتنەوەی تیرۆریان تاوتوێ کرد

ئاڤا نیوز

 

سەرۆک بارزانی لەگەڵ شاندێکی باڵای حزبی ئیسلامیی عێراقی، بارودۆخی سیاسی و ئەمنی ناوچەکەیان تاوتوێ کرد.

ڕاگەیێنراوی فەرمی: بارەگای بارزانی، ڕایگەیاند: ئەمڕۆ یەکشەممە لە سەڵاحەددین سەرۆک مەسعود بارزانی پێشوازی لە شاندێکی باڵای حزبی ئیسلامیی عێراقی بە سەرۆکایەتیی ئەیاد سامەرائی، سەرۆکی شورای حزبی ئیسلامیی عێراقی کرد.

 

زانیاریی زیاتر: لەمیانەی دیدارەکەدا چەند تەوەرێک باسیان لێوەکرا لەوانە:-

-    بارودۆخی ئەمنی و سیاسیی.
-     دوایین گۆڕانکارییەکانی ناوچەکە و کاریگەرییان لەسەر ڕەوشی عێراق.
-     پێویستیی هەماهەنگیی لایەنە سیاسیەکانی عێراقی بۆ باشترکردنی پڕۆسەی سیاسی و پاراستنی سەقامگیری.
-     ڕۆشنایی خرایە سەر قۆناغی داهاتووی پڕۆسەی سیاسیی عێراق و هەڵبژاردنەکان. 
-     جەخت لە پابەندبوون بە بنەماکانی شەراکەت لە بەڕێوەبردنی وڵات لە چوارچێوەی دەستوور کرایەوە.
-    مەترسیەکانی دەرکەوتنەوەی تیرۆر و کارکردنی هاوبەشی لایەنەکان بۆ تێپەڕاندنی ئاڵنگارییەکان تەوەری تری ئەو دیدارە بوون.