حەماس: دەستبەرداربوون لە چەک ‌هێڵی سورە

ئاڤا نیوز

 

بزووتنەوەی حەماس وەڵامی هەوڵەکانی ئیسرائیل بۆ دوورخستنەوەی بزووتنەوەکە لە قۆناغی داهاتووی غەززە و ناچارکردنی بە دەستبەرداربوون لە چەک دەداتەوە.

وێنە گەورەکە: دوای داواکاری جەدعون سار، وەزیری دەرەوەی ئیسرائیل بۆ دوورخستنەوەی حەماس لە قۆناغی داهاتووی غەززە و دەستبەرداربوونی لە چەک وەک مەرجی بەردەوامی ئاگربەست و جێبەجێکردنی قۆناغی دووەمی ئاگربەستی جەنگ لە غەززە، بزووتنەوەی حەماس دەستبەرداربوون لە چەک بە هێڵی سور ناودەبات.

لێدوانی فەرمی: سامی ئەبو زوهری، سەرکردە لە بزووتنەوەی حەماس ڕایگەیاند:" هەر قسەیەک دەربارەی دەستبەرداربوون لە چەک بێ مانایە، دەستبەرداربوون لە چەک بۆ بزوتنەوەی حەماس و گرووپە چەکداریەکانی دیکەی غەززە هێڵی سورە."

زانیاریی زیاتر: لە ئێستادا بە بڕیاری بنیامین نەتانیاهۆ، سەرۆکوەزیرانی ئیسرائیل هەموو ڕێگاکان بۆ غەززە داخراون و ڕێگە بە چوونەژوورەوەی هیچ هاوکارییەکی مرۆیی بۆ شارەکە نادرێت و ڕێکخراوی نەتەوە یەکگرتووەکانیش لە ڕاگەیەنراوێکدا داوای کردنەوەی ڕێگەکان و دەستپێکردنەوەی گفتووگۆ بۆ قۆناغی دووەمی ئاگربەست دەکات.