نەتەوەیەکگرتووەکان: 2023 کوشندەترین ساڵی کۆچبەران بووە

ئاڤا نیوز

ساڵی ڕابردوو بە لایەنی کەمەوە 8 هەزار و  565 کەس لە سەرانسەری جیهاندا لە کات و ڕێگەی کۆچدا مردوون. لە 2014ەوە کە نەتەوەیەکگرتووەکان ژمارەی کۆچبەرانی مردوو تۆمار دەکات، ئەمە بەرزترین تۆمارە.

لێدووانی فەرمی: ڕێکخراوی نێودەوڵەتیی کۆچکردن لە بەیاننامەیەکدا ڕایگەیاند: "ژمارەی کۆچبەرانی مردووی ساڵی 2023 بەراورد بە  ساڵی 2022 دا تراژیدیایە و بە ڕێژەی 20٪ زیاد بووە، ئەمەش وا دەکات چارەی ئەم کێشەیە ببێتە پێویستییەکی هەنووکەیی، تا ڕێگە لە مردنی زیاتر بگرین".

چیرۆکە سەرەکی: تۆماری کۆچبەرانی مردووی ساڵی ڕابردوو   کە 8 هەزار و  565 کەسە، تۆماری ساڵی 2016ی شکاند کە بەرزترین تۆمار بوو و ئەو ساڵە  8 هەزار و  84 کۆجبەر گیانیان لە دەست دابوو.

هۆکارە زانراوەکان: ڕێگەی کۆچی یاسایی و پارێزراو لە وڵاتانی ئاسیا و ئەفریقاوە بۆ وڵاتانی ڕۆژئاوا سنووردارن، هەموو ساڵێک سەدان هەزار کەس لە بارودۆخی ناپارێزراودا هەوڵدەدەن بە ڕێگەی نایاساییدا کۆچ بکەن.

زانیاریی زیاتر: هێشتا پەڕینەوە بە دەریای ناوەڕاستدا کوشندەترین ڕێگەیە، لانیکەم 3 هەزار و 129 ئەنگاوتەی مردن لەو ڕێیە تۆمارکراون. هۆکاری نزیکەی نیوەی گیانلەدەستدانی کۆچبەران لە ساڵی ڕابردوودا خنکانە. 9٪ بە ڕووداوی هاتووچۆ و 7٪ بە تووندوتیژییە.