زیاتر لە 100 ملیۆن دینار لە نووسینگەیەکی دابەشکردنی مووچەی مووچەخۆران دەدزرێت

ئاڤا نیوز

 

چەند کەسێکی نەناسراو بڕی زیاتر لە 100 ملیۆن دینار لە یەکێک لە نووسینگەکانی دابەشکردنی مووچەی مووچەخۆران لە پارێزگای مەیسان دەدزن.

 

وێنە گەورەکە: مووچەخۆران لە عێراق بۆ وەرگرتنی مووچەکانیان زیاتر پشت بە نووسینگەکانی دابەشکردنی مووچە دەبەستن کە لە گەڕەک و کۆڵان و شەقامەکان بوونیان هەیە، نەک ئامێرەکانی ڕاکێشانی پارە (ATM).

 

زانیاریی بەدەستهاتوو: بەگوێرەی سەرچاوەیەک کە قسەی بۆ میدیای عێراق کردووە، چەند کەسێکی نەناسراو بڕی 106 ملیۆن دیناریان لە نووسینگەیەکی ئەلیکترۆنی پارەدان و دابەشکردنی مووچە "کی کارد" لە ناوچەی عمارات جدیدە لە پارێزگای مەیسان دزیوە.

 

زانیاریی زیاتر: بەگوتەی ئەو سەرچاوەیە هێزە ئەمنییەکان قاسە دزراوەکەیان بە بەتاڵی لە ناوچەی ئەبو سەبع بە دووری 25 کیلۆمەتر لە شوێنی نووسینگە لە باشووری مەیسان دۆزیوەتەوە".