ویتکۆف: زێلێنسکی داوای لێبوردنی لە ترەمپ کرد

ئاڤا نیوز

دوای دەمەقاڵی تووندەکەی نێوان سەرۆکی ئەمریکا و سەرۆکی ئۆکراینا لە کۆشکی سپی سەرۆکی ئۆکراینا داوای لێبوردنی لە دۆناڵد ترەمپ کردووە.

 

چیڕۆکی سەرەکی: ڕۆژی 28-2-2025، لە کۆشکی سپی دۆناڵد ترەمپ، سەرۆکی ئەمریکا پێشوازی لە ڤلۆدۆمێر زێلێنسكی، سەرۆکی ئۆکراینا کرد و لە میانی گفتوگۆیان لەبەردەم ڕۆژنامەنووسان دەمەقاڵێ لە نێوانیان درووست دەبێت و ترەمپ دەنگی بەسەر زێلێنیسکی بەرز کردەوە و زێلێنسکی بە نیگەرانییەوە کۆشكی سپی بەجێهێشت.

 

لێدوانی فەرمی: ستیڤ ویتکۆف، نێردەی ئەمریکا بۆ ڕۆژهەڵاتی ناوەڕاست ڕایگەیاند: ڤۆلۆدیمێر زێلنسکی، سەرۆکی ئۆکراینا لە نامەیەکدا داوای لێبوردنی لە دۆناڵد ترەمپ، سەرۆکی ئەمریکا کردووە، دوای ئەو دەمەقاڵێ توندەکەی لە کۆشکی سپی لەنێوانیاندا ڕوویدا ".

-ئەم هەنگاوەی زێلێنسکی گرنگە و گفتوگۆی بەرفراوان لە نێوان ئۆکراینا و ئەمریکا و ئەوروپا سەبارەت بەم پرسە ئەنجامدراوە.

لەلایەکی دیکەوە: بڕیارە لەم هەفتەیەدا لە سعودییە دانووستانەکانی ڕووسیا و ئەمریکا سەبارەت بە پرسی ئاشتی و ڕاگرتنی شەر لە ئۆکراینا دەست پێبکەنەوە، واشنتن پێشبینی دەکات پێشکەوتنی بەرچاو بە ئاراستەی کۆتاییهێنان بە شەڕ لەگەڵ ڕوسیادا بەدەستبهێنێت.