لیستی ئەو کەسانەی 12 مووچە دەیانگرێتەوە ئامادە دەکرێت

 

ئاڤا نیوز

خانەنشینانی نوێ مامەڵەی وەرگرتنی 12 مووچەکە دەکەن و هەموویان لە لیستێکدا کۆدەکرێنەو لە بەڕێوەبەرایەتی خانەنشینی پارێزگاکانەوە بۆ بەڕێوەبەرایەتی گشتیی خانەنشینی دەنێردرێت دوای وردبینی و پێداچوونەوە ڕەوانەی بەغدا دەکرێت.

وێنە گەورەکە: ڕۆژانە سەدان خانەنشین کە تەمەنیان سەرووی 60 ساڵییە مامەڵەی دەستلەکارهەڵگرتن لەفەرمانگەکانیان و خانەنشین بوونیان دەکەن، لەسەر داوای وەزارەتی دارایی عێراق لیستی ئەو خانەنشینانە جیادەکرێتەوە کە 12 مووچەکە دەیانگرێتەوە.

زانیاریی تایبەت: بەگوێرەی بەدواداچوونی ئاڤا تاوەکو ئێستا زیاتر لە 200 مامەڵە بۆ مووچەی مانگی سێ لە بەڕێوەبەرایەتییەکانی خانەنشینی پارێزگاکان جیاکراونەتەوە ڕەوانەی خانەنشینی گشتیی هەرێمی کوردستان دەکرێت، دوای پێداچوونەوە ڕەوانەی وەزارەتی دارایی عێراق دەکرێت.

ئەوەی پێیوستە بیزانیت: سەرجەم ئەو خانەنشینانەی لە 2025-01-01، خانەنشین بوون،  شەش مووچە بە مووچەی بنەڕەتی لەو دامەزراوەیە وەردەگرن کە خزمەتی وەزیفیان تێیداکردووە، ئەوانەی خزمەتیان زیاترە لە 25 ساڵ و 180 ڕۆژیش مۆڵەتی کۆکراوەیان هەیە، 12 مووچەی دیکەیان بە مووچەی خانەنشینی بۆ خەرج دەکرێت.