کۆمیسیۆن بەرامبەر لایک و کۆمێنت پێنج فەرمانبەری خۆی خەڵات دەکات

ئاڤا نیوز

بەرامبەر بەدەستهێنانی زۆرترین لایک و کۆمێنت، کۆمیسیۆنی باڵای هەڵبژاردنەکانی عێراق، ژمارەیەک فەرمانبەری خۆی خەڵات کرد.

نووسراوی فەرمی: بەپێی نووسراوێکی فەرمی کە واژۆی  عەممار موسى حوسەینی، سەرۆکی فەرمانگەی هەڵبژاردنی لەسەرە و لە بەرواری 10-3-2025 دەرچووە، کۆمیسیۆنی باڵای هەڵبژاردنەکانی عێراق سوپاس و پێزانین ئاراستەی پێنج فەرمانبەری خۆی دەکات، چونکە زۆرترین لایک و کۆمێنتیان لەبڵاوکراوەکانی کۆمیسیۆن لەتۆڕی کۆمەڵایەتیی فەیسبووک کردووە.

زانیاریی زیاتر: بەپێی نووسراوەکە، ئەو فەرمانبەرانە لەنووسینگەکانی کۆمیسیۆنی هەڵبژاردنەکانی عێراق لە هەریەکە لە پارێزگاکانی بەغدا دیوی ڕەسافە، بەغدا دیوی کەرخ، میسان، سەڵاحەددین و کەرکووک کاردەکەن.