
دۆناڵد ترەمپ، سەرۆکی ئەمریکا و ڤلادیمێر پوتن، سەرۆکی ڕووسیا. وێنە - AFP
ئاڤا نیوز
کۆشکی کرێملن ڕایگەیاند، ڤلادیمێر پوتن، سەرۆکی ڕووسیا نامەیەکی بۆ دۆناڵد ترەمپ هاوتا ئەمریکییەکەی سەبارەت بە پێشنیازی واشنتن بۆ ئاگربەست لە ئۆکراینا ناردووە و تێیدا گەشبینی خۆی دەربڕیوە.
چیرۆکی سەرەکی: ئەمریکا داوای ئاگربەستی دەستبەجێی نێوان ڕووسیا و ئۆکراینای کرد و فشارێکی زۆری خستە سەر ڤۆلۆدیمیر زێلێنسکی، سەرۆکی ئۆکراینا، کە دواجار ڕۆژی سێشەممە ڕازی بوو بۆ وەستاندنی شەڕ و پێکدادانەکان بۆ ماوەی 30 ڕۆژ، بە مەرجێک ڕووسیاش پابەند بێت.
لێدوانە فەرمییەکان:
٠ دۆناڵد ترەمپ، سەرۆکی ئەمریکا ڕایگەیاندووە، پێویستە ڤلادیمێر پوتن ، ژیانی هەزاران سەربازی ئۆکراینا بپارێزێت لەو بەرەیەدا، کە سوپای ڕووسیا بەردەوامە لە پێشڕەوی، گوتیشی، گفتوگۆیەکی زۆر باش و بەرهەمداریان لەگەڵ پوتن هەبووە، هاوکات دەرفەتی گەورە هەیە بۆ کۆتاییهێنان بەم شەڕە ترسناک و خوێناوییە.
٠ دیمیتری پێسکۆڤ، وتەبێژی کۆشکی کرێملن پشتڕاستی کردەوە، سەرۆکی ڕووسیا لەڕێگەی ستیڤ ویتکۆف نوێنەری تایبەتی سەرۆکی ئەمریکا بۆ ڕۆژهەڵاتی ناوەڕاست پەیامی زیاتری بە دۆناڵد ترەمپ گەیاندووە و پێی وتووە بە پێشنیازەکەی ئەمریکا بۆ ڕاگرتنی شەڕ گەشبینە، هەر کاتێک پەیامەکان گەیشتنە سەرۆکی ئەمریکا، ئەو کات پەیوەندییەکی تەلەفۆنی لە نێوان ڤلۆدیمێر پوتن و دۆناڵد ترەمپ ئەنجام دەدەن.
٠ ئاندرێ سیبیها، وەزیری دەرەوەی ئۆکراینا ڕایگەیاند، دەبینین ڕووسیا دەیەوێت بەردەوام بێت لە دەستدرێژیەکانی و درێژەدان بە شەڕەکە، لە کاتێکدا ئۆکراینا بە ڕوونی بەڵێی بۆ ئاگربەست داوە.
زانیاریی زیاتر: پێدەچێت سەرۆکی ڕووسیا کاتی بوێت، لەکاتێکدا هێزەکانی لە پێشڕەوی کردن بەردەوامن و لە چەند ڕۆژی ڕابردووشدا ئەو ناوچانەیان لە ناوچەی کورسکی ڕووسیا کۆنتڕۆڵکردەوە، کە لە هاوینی ساڵی پارەوە لەلایەن ئۆکراینا کۆنتڕۆڵکرابوون.
ئەوەی پێویستە بیزانیت: دۆناڵد ترەمپ دەیەوێت مۆسکۆ بە زووترین کات شەڕەکان ڕابگرێت، ئەمەش دوای ئەوەی بەهۆی نزیکبوونەوەی لەگەڵ مۆسکۆ، کیێڤ و ئەوروپای توڕە کرد.
دوایین هەواڵەکان
- ژینگە
- 29 خولەک لەمەوپێش
بەبۆنەی لە دایکبوونی بارزانیی نەمر هەڵمەتێکی نەمام چاندن بەڕێوەچوو
هەڵبژاردەکان بۆ تۆ
لە هەولێر دوو هەزار دۆنم زەوی سەوزە تێکدراوە کە بە ئاوەڕۆ بەرهەم دەهات
15 خولەک لەمەوپێش
چەند مەیموونێک خەڵکی گەڕەکێکی هەولێر هەراسان دەکەن
20 کاتژمێر لەمەوپێش
75٪ی پڕۆژەی فریاگوزاریی خێرای ئاوی هەولێر تەواو بووە
21 کاتژمێر لەمەوپێش
هاوشێوەی چاپکراوەن دراوە ئەلیکترۆنییەکانیش زەکاتیان لێدەردەکرێت
21 کاتژمێر لەمەوپێش
خۆری ئاڤا؛ چیرۆکی دایک و کچێکی نەخۆش لە شاری ڕانیە کە لە دۆخێکی سەختی ئابووریدان
13 ئازار
- جیهان
- 1 کاتژمێر لەمەوپێش
گرووپی جی حەوت: پێشوازی لە ڕاگرتنی جەنگی نێوان ڕووسیا و ئۆکراینا دەکەین
- جیهان
- 2 کاتژمێر لەمەوپێش
ئەرمینیا و ئازەربایجان ڕێککەوتنی ئاشتی دەبەستن
- جیهان
- 8 کاتژمێر لەمەوپێش
چین و ڕووسیا و ئێران سەبارەت بە پرسی ئەتۆمی کۆدەبنەوە
- جیهان
- 9 کاتژمێر لەمەوپێش
ئەمریکا بۆ کۆنترۆڵکردنەوەی پەنەما بژاردەی سەربازی تاوتوێ دەکات