ترەمپ: نیشانەی ئەرێنی لە ڕووسیاوە لەبارەی دانوستاندنەکانی ئۆکراینا هەیە

ئاڤا نیوز

 

دۆناڵد ترەمپ، سەرۆکی ئەمریکا سەبارەت بە ئاگربەستی 30 ڕۆژەی نێوان ڕووسیا و ئۆکراینا دەڵێت، پێشهاتی ئەرێنی لە ڕووسیاوە دەبیستتن.

 

وێنە گەورەکە: ئەمریکا داوای ئاگربەستی دەستبەجێی نێوان ڕووسیا و ئۆکراینا دەکات، هەوڵەکانی بەرپرسانی ئەمریکا و ئۆکراینا لە سعودیە چرتڕبوونەوە و کە دواجار ئۆکراینا ڕازی بوو بۆ وەستاندنی شەڕ و پێکدادانەکان بۆ ماوەی 30 ڕۆژ، ئەم ئاگربەستەش ئەگەر ڕووسیا ڕازی و پابەندی بێت، ڕاستەوخۆ دەچێتە بواری جێبەجێکردنەوە.

 

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، نیشانەی ئەرێنی سەبارەت بە دانوستاندنەکانی نێوان ڕووسیا و ئۆکراینا هەن بۆ ڕێککەوتن و ئاگربەست، پێموایە ڕووسیا دەیەوێت ڕێککەوتن لەگەڵ ئێمە بکات.

 

لەلایەکی دیکەوە: ڤۆلۆدیمێر زێلێنسکی، سەرۆکی ئۆکراینا داوای لە ئەمریکا کردووە ئەگەر ڕووسیا بەم ئاگربەستە ڕازی نەبێت واشنتن سزا بەسەر مۆسکۆ بسەپێنێت. هاوکات دەشڵێت، ڕووسیا دەڵێت ئامادەیە بۆ ڕێککەوتن کەچی مەرج بۆ ڕازیبوونی دادەنێت و پرۆسەکە دوادەخات.

 

زانیاریی زیاتر: پووتن داوای لەو هێزانەی ئۆکراینا کردووە کە لە ناوچەی کۆرسکی ڕووسیا شەڕ دەکەن، خۆیان ڕادەست بکەن، ئەمەش دوای ئەوەی ترەمپ، داوای لە پووتین کرد ژیانی سەربازانی ئۆکراینا بپارێزێت.