بە بڕیاری شەرع فەرمانبەرانی سووریا ئەم مانگە دوو مووچە وەردەگرن

ئاڤا نیوز

 

بەبۆنەی جەژنی ڕەمەزان، ئەحمەد شەرع، سەرۆککۆماری سووریا بۆ قۆناغی ڕاگوزەر بڕیاری خەرجکردنی مووچەی یەک مانگی بۆ سەرجەم مووچەخۆرانی شارستانی، سەربازی و خانەنشینان دەرکرد.

 

ڕاگەیێنراوی فەرمی: بەپێی بەیاننامەیەک کە واژۆی ئەحمەد شەرع، سەرۆکی سووریا بۆ قۆناغی ڕاگوزەری لەسەرە، سەرجەم فەرمانبەرانی شارستانی و سەربازی لەگەڵ مووچەی ئەم مانگە، مووچەیەکی دیکەیان لەم مانگەدا بۆ خەرج دەکرێت.

 

زانیاریی زیاتر: بڕیارەکەی شەرع، خانەنشینانی شارستانی، سەربازی، کرێکارانی هەمیشەیی و کاتی و کرێکارانی کرێی ڕۆژانە دەگرێتەوە و لە هەموو باج و لێبڕێنێکیش دەبەخشرێن.

 

ئەمەش بزانە: ڕاگەیاندنی ئەم بەخشینە هاوکاتە لەگەڵ ساڵڕۆژی دەستپێکردنی شۆڕشی سووریا  کە لە 15-3-2011 دەستیپێکرد و لە 8-12-2024 بە ڕووخانی ڕژێمی ئەسەد کۆتایی هات.