خانووی 660 هەزار هاووڵاتیی زیانلێکەوتووی جەنگ لە ئەنبار نۆژەن دەکرێتەوە

ئاڤا نیوز

 

نەتەوەیەکگرتووەکان بە هاوکاریی ئەڵمانیا و ڕێکخراوێکی ئەو وڵاتە، ئەو ماڵانەی لە شنگال و ئەنبار زیانیان بەرکەوتووە لە کاتی جەنگی داعش و ئۆپەراسیۆنە سەربازییەکان، نۆژەن و ئاوەدان دەکاتەوە.

 

وێنە گەورەکە: نەتەوەیەکگرتووەکان بە سێ قۆناغ کار لەسەر نۆژەنکردنەوەی خانووەکانی 660 هەزار هاووڵاتی زیانلێکەوتووی جەنگ لە پارێزگای ئەنبار دەکات، قۆناغی چوارەمیش لە قەزای شنگال ئەنجامدەدرێت.

 

لێدوانی فەرمی: ئەنیل جاندریکا، بەڕێوەبەری نووسینگەی نەتەوەیەکگرتووەکان بۆ خزمەتگوزاریی پرۆژەکان ڕایگەیاند: بە هاوکاریی حکومەتی ئەڵمانیا و ڕێکخراوی گەشەپێدانی ئەڵمانیا، قۆناغی چوارەمی پڕۆژەی ئاوەدانکردنەوە و نۆژەنکردنەوەی ماڵەکان لە شنگال ئەنجامدەدرێت، کە زیانێکی زۆریان پێگەیشتووە، پرۆسەی نۆژەنکردنەوەکەش هاندانی هاووڵاتییانە بۆ گەڕانەوە بۆ ماڵەکانیان.

 `

زانیاریی زیاتر: نووسینگەی نەتەوەیەکگرتووەکان بۆ خزمەتگوزاریی پڕۆژەکان هاوکاریی پێشکەش بە وەزارەتی تەندروستی کردووە، لەوانە ئۆتۆمبێڵی فریاکەوتن و  ئامێری پزیشکی بە ستانداردی نێودەوڵەتی، بەسەر 21 شوێن لە 15 پارێزگا دابەشکراون.