سەرۆک بارزانی و باڵیۆزی ئیتاڵیا تاوتوێی پرۆسەی ئاشتی لە تورکیا دەکەن

ئاڤا نیوز

 

سەرۆک بارزانی پێشوازی لە باڵیۆزی ئیتاڵیا لە عێراق دەکات، گفتۆگۆیان لەبارەی دۆخی سووریا، پرۆسەی ئاشتی لە تورکیا و هەنگاوەکانی پێکهێنانی کابینەی دەیەمی حکومەتی هەرێمی کوردستان کرد.

 

وێنە گەورەکە: ئەمڕۆ چوارشەممە 19-3-2025، لە سەڵاحەددین سەرۆک مەسعود بارزانی پێشوازی لە نیکۆلۆ فۆنتانا، باڵیۆزی ئیتاڵیا لە عێراق کرد، لە دیدارەکەدا توماسۆ سانسۆنێ، کونسوڵی گشتی ئیتاڵیا لە هەولێریش ئامادە بوو.

 

پەیامی فەرمی: بارەگای بارزانی لەبارەی کۆبوونەوەکەی سەرۆک بارزانی و باڵیۆزی ئیتاڵیا دەڵێت:

- دوایین پێشهات و گۆڕانکارییە سیاسی و ئەمنیەکانی عێراق و ناوچەکە، هەروەها بارودۆخی سووریا و ڕێککەوتنی نێوان لایەنە کوردییەکان و حکومەتی نوێی سووریا خرایە بەرباس و گفتوگۆ.

- ڕۆشناییش خرایە سەر پڕۆسەی ئاشتی لە تورکیا.

- باڵیۆزی ئیتاڵیا لە عێراق ڕۆڵی سەرۆک بارزانی لە یارمەتیدان بۆ گەیشتن بە چارەسەری ئاشتیانە و دیالۆگ لە تورکیا بەرز نرخاند.

-هەنگاوەکانی پێکهێنانی کابینەی دەیەمی حکوومەتی هەرێمی کوردستان و هەروەها هەڵبژاردنی ئەنجوومەنی نوێنەرانی عێراق لە پاییزی داهاتوو تاوتوێ کرا.

- مەترسییەکانی سەرهەڵدانەوەی تیرۆر لە ناوچەکە تەوەرێکی دیکەی ئەو دیدارە بوو.