ئەمریكا 15 درۆنی حووسییەكان تێكدەشكێنێت

ئاڤا نیوز

فەرماندەیی ناوەندیی هێزەکانی ئەمریکا ڕایگەیاند، کەشتی و فڕۆکەکانی تایبەت بە هێزی دەریایی ئەمریکا بەرەبەیانی ئەمڕۆ 15 درۆنی چەکدارانی حووسییەکانیان لە دەریای سوور تێکشکاندووە.

ڕاگەیێنراوی فەرمی: فەرماندەیی ناوەندیی سوپای ئەمریکا ڕایگەیاند: ئەو درۆنانە هەڕەشەیەکی چاوەڕوانکراوە بۆ  کەشتییە بازرگانییەکانی هاوپەیمانان و هێزی دەریایی ئەمریکا.

ئەوەی پێویستە بیزانیت: ڕۆژی هەینی سوپای ئەمریکا ڕایگەیاند لە ناوچەیەکی یەمەن هێرشێکیان دژ بە حووسییەکان کردووە، وەک وەڵامدانەوەیەک بۆ هاوێشتنی دوو مووشەک لەلایەن ئەو گروپە چەکدارەوە.

باکگراوند: لەحەوتی ئۆکتۆبەری ساڵی ڕابردووەوە کە شەڕی نێوان ئیسرائیل و حەماس لە کەرتی غەززە لە فەڵەستین درووستبووە، حووسییەکان پاش ماوەیەک دەستیان کرد بە هێرشکردنە سەر کەشتییە بازرگانی و سەربازییەکان لە دەریای سوور و گەرووی بابولمەندەب و کەنداوی عەدەن، ئەمەشیان وەک پشتیوانییەک بۆ فەڵەستینییەکان کردووە، ئەمریکا و هاوپەیمانەکانیشی چەند جارێک وەک وەڵامێک بۆ ئەو هێرشانە گورزی ئاسمانییان لە حووسییەکان وەشاندووە.