ناوی هەزاران کەس بۆ وەرگرتنی زەوی ڕەوانەی شارەوانییەکان دەکرێت

ئاڤا نیوز

 

ناوی هەزاران فەرمانبەر و خانەنشین بۆ وەرگرتنی زەوی ئامادەیە و ڕەوانەی سنووری شارەوانییەکانیان دەکرێتەوە.

 

وێنە گەورەکە: قۆناغی سێیەمی دابەشکردنی زەوی لە سەرانسەری هەرێمی کوردستان دەستپێدەکات، تێیدا هەزاران فەرمانبەر و خانەنشین لە وەرگرتنی پارچە زەوی لە سنووری شارەوانییەکانیان سوودمەند دەبن.

 

لێدوانی فەرمی: سەربەست مەولوود، سەرپەرشتیاری تیمی وردبینی و ڕێکخستنی فۆڕمی دابەشکردنی زەوی له‌ وه‌زاره‌تی شاره‌وانی بە ئاڤا میدیای ڕاگەیاند: لە دوو ڕۆژی داهاتوو ناوی هەزاران فەرمانبەر و خانەنشین ڕەوانەی سنووری شارەواییەکانیان دەکرێتەوە، بە ئامادەکردنی پارچە زەوییەکانیش، دەست بە دابەشکردنیان دەکرێت.

زانیاریی زیاتر: "پێشتر ئەو ناوانە لەلایەن ئەنجوومەنی وەزیرانەوە پەسەند کراون". سەربەست مەولوود وا دەڵێت.

 

ئەوەی پێویستە بیزانیت: وەزارەتی شارەوانی وردبینی بۆ زیاتر لە 30 هەزار فۆرمی دیکە کردووە، لە دوو ڕۆژی داهاتوو ڕەوانەی ئەنجوومەنی وەزیران دەکرێن. هاوکات ئەو ناوانەی ڕەوانەی سنووری شارەوانییەکان دەکرێنەوە، زۆرترینیان لە سنووری پارێزگای هەولێرن، دواتر پارێزگاکانی سلێمانی و دهۆک دێن.