پرۆژەی ڕووناکی لە دهۆک دەستیپێکرد

ئاڤا نیوز

 

پرۆژەی ڕووناکی بۆ دابینکردنی کارەبای 24 کاتژمێری بۆ هاونیشتمانییان، لە سەنتەری شاری دهۆک دەستیپێکرد.

 

ڕاگەیێنراوی فەرمی: وەزارەتی کارەبای هەرێمی کوردستان ڕایگەیاند، هەڵدەستن بە تاقیکردنەوەی فشاری تۆڕی کارەبای نیشتمانی لە سەنتەری پارێزگای دهۆک، بۆیە لە رۆژی یەکشەممە 23-3-2025، کاتژمێر یەکی دوای نیوەڕۆ تاوەکو ڕۆژی چوارشەممە 26-3-2025، بە بەردەوامی کارەبای نیشتمانی دەبێت.

 

ئەوەی پێویستە بیزانیت: ئەو تاقیکردنەوەیە بۆ تۆڕی کارەبا دەکرێت، تاوەکو ئاستەنگ و کێشەکانی سەر تۆڕی گواستنەوە و بڵاوکردنەوەی کارەبا لە سەنتەری شارەکە بزانرێن.

 

لەلایەکی دیکەوە: لە قۆناغی دووەم و سێیەمدا، لە قەزاکانی سەر بە پارێزگای دهۆک و ئیدارەی سەربەخۆی زاخۆ دەستپێدەکات.

 

بۆچی گرنگە: بە جێبەجێکردنی پرۆژەی ڕووناکی، هەزاران مۆلیدە لە هەرێمی کوردستان دەکوژێندرێنەوە و کاریگەریی ئەرێنی لەسەر ژینگەی ناوچەکان دروست دەکات.