حووسییەکان کەشتییەکی فڕۆکەهەڵگری ئەمریکا بە ئامانج دەگرن

 

ئاڤا نیوز

حووسییەکانی یەمەن لە بەیاننامەیەکدا ڕایانگەیاند، لە یەمەنەوە بە فڕۆکەی بێ فڕۆکەوان تەلئەڤیڤ و کەشتییەکی فڕۆکەهەڵگری ئەمریکایان کردووەتە ئامانج.

چیرۆکی سەرەکی: دوێنێ سێشەممە، فڕۆکە جەنگییەکانی ئەمریکا 17 هێرشی ئاسمانی نوێی کردە سەر پێگە و بارەگاکانی حووسییەکان لە پارێزگای سەعدە و چەند ناوچەیەکی دیکەی یەمەن، هەر دوای ئەوە حووسییەکانیش ڕایانگەیاند، ئۆپەراسیۆنێکی سەربازیان لە دەریای سوور ئەنجامداوە و کەشتییەکی ئەمریکایان کردووەتە ئامانج.

لێدوانی فەرمی: یەحیا سەریع، وتەبێژی سەربازی حووسییەکان ڕایگەیاند، ''پێگە سەربازییەکانی ئیسرائیلمان لە ناوچەی داگیرکراوی یاڤا لە تەلئەڤیڤ بە فڕۆکەی بێفڕۆکەوان کردە ئامانج و سەرکەتووبووین''.

هاوکات گوتیشی، هێرشەکانیان بۆ سەر ئیسرائیل تا ئەو کاتەی هێرشەکانی بۆ سەر کەرتی غەززە ڕادەگرێت بەردەوام دەبن.

باکگراوند: لە 15-3-2025ـەوە ئەمریکا بە فەرمانی دۆناڵد ترەمپ، سەرۆکی ئەمریکا ئۆپەراسیۆنێکی بەرفراوانی بۆ سەر پێگەکانی حووسییەکان دەستپێکردووە، وەک خۆیان دەڵێن چەندین سەرکردەی ئەو گرووپەی کوشتووە زیانی زۆریان بەرکەوتووە.