ئیلۆن مەسک دەستلەکاردەکێشێتەوە و کۆشکی سپی جێدەهێڵێت

ئاڤا نیوز 

 

دۆناڵد ترەمپ، سەرۆکی ئەمریکا بە ئەندامانی ئیدارەکەی وتووە بەمزووانە ئیلۆن ماسک پۆستی بەرپرسی دامەزراوەی کارامەیی حکومەت جێدە‌هێڵێت، بەگوتەی بەرپرسانی کۆشکی سپی، ئیلۆن ماسک لە کۆتاییەکانی مانگی پێنج یان شەش دەستلەکاردەکێشێتەوە.

 

وێنە گەورەکە: بەشێک لە بەرپرسانی باڵای ئیدارەی ترەمپ و زۆرێک لە هاوپەیمانەکانیان نیگەرانن لە هەنگاوەکانی ئیلۆن ماسک لە بڕیارە سیاسییەکانی ئەمریکادا.

 

لێدوانی فەرمی: چەند بەرپرسێکی ئیدارەی ترەمپ کە نەیانویستووە ناوەکانیان ئاشکرا بکرێت بە میدیا ئەمریکییەکانیان ڕاگەیاندووە، سەرۆکی ئەمریکا بە کارەکانی ئیلۆن ماسک و بەشی کارامەیی حکومەتەکەی دڵخۆشە، بەڵام هەردوولا بڕیاریانداوە ئیلۆن ماسک هاوشێوەی جاران تەنیا پاڵپشتی ئیدارەکەی ترەمپ بکات و لە پۆستەکەی بەردەوام نەبێت.

 

زانیاریی زیاتر: ڕۆژی 2025/03/26، لە کۆبوونەوەی ئیدارەی ئەمریکا، دۆناڵد ترەمپ بە ئاشکرا بە کابینەی حکومەتەکەی ڕاگەیاندووە، ئەرکی ئیلۆن ماسک دەگۆڕێت و سوپاسی هەوڵ و کارەکانی دەکەن.