شارەزایەکی ئابووری: بڕیارەکەی ترەمپ کاریگەری ڕاستەوخۆی لەسەر عێراق نابێت

شەیری بکە لە:
شارەزایەکی ئابووری: بڕیارەکەی ترەمپ کاریگەری ڕاستەوخۆی لەسەر عێراق نابێت

دۆناڵد ترەمپ، سەرۆکی ئەمریکا لە کاتی ڕاگەیاندنی ڕێژەی باجەکان. وێنە؛ AFP

ئاڤا نیوز

بە بڕوای شارەزایەکی ئابووری، بڕیارەکەی ترەمپ بۆ سەپاندنی باج بەسەر هەناردەی کاڵای وڵاتان بۆ ئەمریکا کاریگەری ڕاستەوخۆی لەسەر عێراق نابێت، بەڵام بەهۆیەوە خواست لەسەر نەوت کەمدەبێتەوە و ئەوەش بەزیانی عێراق دەشکێتەوە.

وێنە گەورەکە: دۆناڵد ترەمپ، سەرۆکی ئەمریکا زنجیرەیەک باجی نوێی  بەسەر دەیان وڵاتی جیهان سەپاند و بە تەواوەتی جەنگی ئابووری لە دژی وڵاتانی جیهان ڕاگەیاند، بەگوێرەی بڕیارەکەش هەر کاڵایەکی عێراقی هەناردەی ئەمریکا بکرێت بەڕێژەی 39% باجی دەخرێتەسەر.

لێدوانی فەرمی: نەبیل مەرسومی، شارەزایەکی ئابووری عێراق بە ئاڤا میدیای ڕاگەیاند، بڕیارەکەی ترەمپ کەرتی نەوت و غاز و بەرهەمەکانیان ناگرێتەوە و هەناردەی عێراقیش بۆ ئەمریکا یەکجار کەمە بۆیە بڕیارەکە کاریگەرییەکی ئەوتۆی نابێت.

زانیاریی زیاتر: بە گوتەی نەبیل مەرسومی، بڕیارەکە کاریگەری نەرێنیی لەسەر بازرگانی و گەشەی ئابووری جیهانیی دەبێت و لە دەرئەنجامیشدا خواست لەسەر نەوت کەمدەبێتەوە، بەتایبەتیش کە تەنیا دوای بڕیارەکەی ترەمپ نرخی نەوت دوو دۆلار دابەزیووە، لە ڕۆژانی داهاتووشدا کاریگەری نەرێنیی بڕیارەکە لەسەر وڵاتانی هەناردەکاری نەوت و لەناویاندا عێراق زیاتر دەردەکەوێت.

زیاتر لەسەر ئەم بابەتانە بکۆڵەرەوە

شەیری بکە لە: