هەسەدە و حکومەتی سووریا دەست بە ئاڵوگۆڕی دیلەکان دەکەن

ئاڤا نیوز

دوای دوو ڕۆژ لە واژۆکردنی ڕێککەوتنی نێوانیان، هەسەدە و حکومەتی سووریا لە حەلەب دەستیان بە ئاڵوگۆڕی دیلەکان کرد کە  ژمارەیان 250 کەسە.

ئەوەی پێویستە بیزانیت: 1ی نیسان ئەنجوومەنی هەردوو گەڕەکی شێخ مەقسود و ئەشرەفیەی شاری حەلەب کە زۆرینەی دانیشتووانەکەی کوردن لەگەڵ دەسەڵاتدارانی سووریا ڕێککەوتنیان واژۆکرد، بەگوێرەی ڕێککەوتنەکەش تایبەتمەندی کۆمەڵایەتی و کلتووری ئەو دوو گەڕەکە دەپارێزرێت و هەسەدەش تیایاندا دەکشێتەوە، هاوکات ئاڵوگۆڕی دیلەکانیش یەکێک لە بڕگەکانی ڕێککەوتنەکە بوو.

زانیاریی بەدەستهاتووە: ئاژانسی هەواڵی فەرمی سووریا (سانا) بڵاویکردەوە، لە حەلەب پرۆسەی ئاڵوگۆڕی دیلەکان لە نێوان هێزەکانی سووریا دیموکرات (هەسەدە) و هێزەکانی ئاسایشی ناوخۆی حکومەتی سووریا دەستیپێکرد کە ژمارەیان 250 کەسە.