تایمز ئۆف ئیسرائیل: نەتانیاهۆ بە نائومێدی واشنتن بەجێدەهێڵێت

ئاڤا نیوز

 

ئەمڕۆ سێشەممە،  ڕۆژنامەی تایمزی ئیسرائیلی بڵاویکردەوە، بنیامین ناتانیاهۆ، سەرۆکوەزیرانی ئیسرائیل، دوای سەردانێکی نائومێدکەر بۆ واشنتن، ئەمریکا بەجێدەهێڵێت.

 

زانیاریی بەدەستهاتوو: ڕۆژنامەی تایمز ئۆفی ئیسرائیلی بڵاویکردەوە، سەردانەکەی نەتانیاهۆ بۆ کۆشکی سپی نائومێدکەر بووە بۆی چونکە لەو سەردانەدا دۆناڵد ترەمپ، سەرۆکی ئەمریکا ڕەتیکردەوە باج لەسەر ئیسرائیل هەڵبگرێت و دەستپێکردنی دانووستانی ڕاستەوخۆی لەگەڵ ئێران ڕاگەیاند.

 

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند: ''ڕۆژی شەممە دانووستانی ڕاستەوخۆ لەگەڵ ئێران دەستپێدەکەین و کۆبوونەوەیەکی زۆر گرنگمان لەگەڵ ئەو وڵاتە دەبێت بەڵام ئەگەر دانووستان سەرنەگرێت ئەوا ڕۆژێکی خراپ دەبێت بۆ تاران''.

 

لەلایەکی دیکەوە: نەتانیاهۆ گوتی، ئەگەر ڕێگەی دیپلۆماسی سەرنەگرێت ئەوەی گرنگە بەهەرجۆرێک بێت دڵنیابین ئێران نەبێتە خاوەنی چەکی ئەتۆمی.

 

زانیاریی زیاتر: نەتانیاهۆ داوای لە ترەمپ کرد باجی %17 لەسەر ئیسرائیل لاببات بەڵام ترەمپ ڕەتیکردەوە و گوتی، ئەمە سیاسەتی نوێی ئەمریکایە هاوکات گوتی، لەبیرت نەچێت، ئێمە زۆر یارمەتی ئیسرائیل دەدەین، ساڵانە 4 ملیار دۆلار دەدەین بە ئیسرائیل، ئەوەش پارەیەکی زۆرە.