کەنەدا: بۆماوەی شەش مانگ باج لەسەر بەرهەمی ئەمریکا لادەبەین

ئاڤا نیوز

کەنەدا نایشارێتەوە کە بەهۆی جەنگی ئابووری لەگەڵ ئەمریکا کاریگەری نەرێنی لەسەر ئابووری وڵاتەکەیان دروستبووە. بۆ کەمکردنەوەی کاریگەرییەکانی بۆ ماوەی شەش مانگ باج لەسەر بەرهەمی هاوردەکراوی ئەمریکا لادەبات.

وێنە گەورەکە: جەنگی سەپاندنی باج لە نێوان ئەمریکا و کەنەدا چووەتە قۆناغێکی نوێوە و کەنەدا بۆ کەمکردنەوەی کاریگەرییەکانی ئەو جەنگە ئابوورییە ژمارەیەک ڕێوشوێنی گرتووەتەبەر.

لێدوانی فەرمی: فرانسوا فیلیپ شامپاین، وەزیری دارایی کەنەدا ڕایگەیاند، هەندێک ڕێوشوێنیان بۆ کەمکردنەوەی کاریگەرییە نەرێنییەکان لەسەر ئابووری کەنەدا گرتووەتەبەر.

- حکومەتی کەنەدا بەنیازە بۆ ماوەی شەش مانگ باج لەسەر ئەو بەرهەمانەی ئەمریکا لابدات کە لە 
لە بەرهەمهێنان و پرۆسێسکردن و پاکەتکردنی خۆراک و خواردنەوەکانی کەنەدا و تەنانەت ئەو بەرهەمانەشی لە چاودێری تەندروستی گشتی بەکاردەهێنرێن.

ئەوەی پێویستە بیزانیت: لە 4ی مانگی سێدا ئەمریکا باجی بەسەر کاڵاکانی کەنەدا سەپاند. لە وەڵامدا کەنەدا بە ڕێژەی 25% باجی بەسەر 30 ملیار دۆلار کاڵای هاوردەکراو لە ئەمریکاوە بۆ وڵاتەکەی سەپاند.