ئیسرائیل کوشتنی فەرماندەیەکی حیزبوڵڵای لوبنان ڕادەگەیێنێت

ئاڤا نیوز

سوپای ئیسرائیل، کوشتنی فەرماندەیەکی حیزبوڵڵای لە هێرشێکدا لە باشووری لوبنان ڕاگەیاند.

وێنە گەورەکە: ئیسرائیل بەردەوامە لە بە ئامانجگرتنی سەرکردە و بەرپرسە پلە باڵاکان و فەرماندە سەربازییەکانی حیزبوڵڵا لە خاکی لوبنان، تاوەکو ئێستاش چەندین سەرکردەو بەپرسی پلە باڵای ئەو حیزبەی کوشتوون.

ئەوەی پێویستە بیزانیت: یەکشەممە 2025-4-20، فڕۆکە جەنگییەکانی ئیسرائیل لە شارۆچکەی کەوسەریە لە باشووری لوبنان ئۆتۆمبێلکیان کردە ئامانج و بەهۆیەوە کەسێک کوژرا.

ڕاگەیێنراوی فەرمی: بەگوێرەی ڕاگەیێنراوێکی سوپای ئیسرائیل، لە هێرشێکدا بۆ سەر شارۆچکەی کەوسەریە لە باشووری لوبنان، هێزەکانمان توانیان حەسەن عەلی نەسر، جێگری فەرماندەی یەکەی 4400 لە حیزبوڵڵا لەنێو ئۆتۆمبێلەکەی بکوژن.